E Organisacion di Trabou Temporal (TWO) Hulandes a publica e relato anual pa aña 2023. “E relato anual aki ta mira bek riba e di tres aña cu Aruba, Corsou, Sint Maarten y Hulanda a traha hunto riba implementacion di e Paketenan Nacional. Un aña cu a wordo domina pa e areglo mutuo nobo Colaboracion riba Reforma, e transicion di investigacion pa implementacion y, mas cu tur cos, crea sinergia”, segun Judith Jeurissen, gerente di programa di TWO den e prologo. “Crea sinergia” pues ta e tema di e relato anual.
Den e relato anual ta hiba e lector entre otro na desaroyonan riba tereno di digitalisacion den e tres paisnan y e experiencia di un trainee di gobierno cu un conexion profundo cu Sint Maarten.
Tambe tin storianan di e tres paisnan. Por ehempel Aruba Fair Trade Authority (AFTA) ta resalta y kico esey ta nifica pa competencia pa empresarionan (chikito). Tambe ta papia riba e importancia di un bon maneho financiero pa Aruba, pa asina gobierno por responsabilisa na un manera responsabel.
Na Corsou nos ta lesa tocante e importancia di baha ‘Red Tape’ y e gastonan di haci negoshi. Tambe ta trata e vision di enseñansa na 2030: e mester ta duradero y mester por carga esaki financieramente, y tur hende mester tin oportunidad igual pa desaroya.
Na Sint Maarten, ta trata e encuesta di poblacion cu condicionnan cronico. E resultadonan di esaki por yuda gobierno formula un miho maneho. Un otro articulo ta trata e reformanan pa fortifica e sistema di seguridad social y e mercado laboral di Sint Maarten.
Perspectiva financiero
Finalmente, TWO den perspectiva financiero. TWO a gasta €19.7 miyon na 2023 pa e implementacion di e Paketenan Nacional. Na 2022 esaki tabata €14.2 miyon y na 2021 €10.55 miyon. Esaki ta regarda tanto financiamento di proyectonan (programa) como gastonan pa empleadonan di TWO, otro departamentonan Hulandes y expertonan cu ta wordo presta of contrata pa proyectonan specifico den e paisnan (aparato). E reparticion di gasto pa 2023 ta €14.0 miyon pa programanan y €5.7 miyon pa aparato. Un total di €3.1 miyon na gasto regular di programa a wordo haci pa Aruba na 2023. Pa Cosou esaki ta €5.8 miyon y Sint Maarten €5 miyon.
