Persrechter Debbie Angela ta duna di conoce cu tin un “Buki di Pret “ cu ta trata vakantie di july pa augustus e organisacion “Buki di Pret “ ta organisa diferente actividadnan pa muchanan di scol basico y corte a pone su mes disponibel pa esaki unda cu tin basta interes di muchanan pa bin corte. E muchanan a haya rondleiding di cas di husticia y tambe nan por a wak e bus cu ta hiba e detenidonan. Tambe e muchanan por a experencia un caso penal cu corte mes a pone den otro pa e muchanan y asina nan mes por a presente. E aña aki un biaha mas corte lo ta forma parti cu “Buki di Pret “ y e lo tuma luga dia 26 juli y 2 augustus.
Tambe e aña aki corte lo tin un opendag unda cu pueblo por bin na corte y lo sigui e programa pa asina conoce e edificio y e trabounan diario cu tin den corte di husticia.
Na aña 2021 tabatin kualitijd conferentie unda cu a delibera 4 punto y for di esaki a Sali diferente consehonan riba loke ta tolk nan y publicacion di resultadonan di casonan, na e momentonan aki tin un grupo di hues ta formulando un maneho pa henter HOF riba situacion di tolken , porehempel den ki caso hof ta regla y paga tolk y den ki caso e persona mes tin cu regla y paga esaki. Importante pa corte di husticia ta pa e persona por compronde kico ta wordo bisa na momento cu ta trata su caso.
Tambe tin un grupo di huesnan ta trahando riba un maneho riba publicacion di final di casonan , con lo mester regla esaki unda e vonnisnan mester bay y na unda cu prensa por yega hopi lihe cerca di dje pa e por keda publica. No ta trata solamente pa e prensa so ricibi esaki pero e abogado nan tambe hopi biaha ta interesa den e parti aki.
Tambe e ley nobo di proceso penal na Aruba a keda introduci prome di April 2024 a keda cambia, sinembargo na Corsou y tampoco e otro islanan no a haci cambio, Aruba so a cambia esaki. E ley nobo tin basta cambio y ta trece mas trabou pa e hues nan cu ta trata casonan penal. Den e jaarverslag ta keda describi den corto e cambionan di mas importante cu a keda cambia. Pa e cambionan aki tambe corte di husticia ta bay formula un maneho pa por structura esaki miho.