Debbie Angela ta Persrechter di corte di prome instante y ta elabora riba casonan y decisionnan interesante cu a sosode den 2023. Un di e casonan ta Secrets hotel unda cu cierto momento a para e trabounan di e hotel bisando cu te na momento cu tin decision definitivo cu bezaarschift lo por sigui traha, corte a destrui e prome decision di gobierno unda cu gobierno a tuma un decision despues nobo pa cu e bezwaar a bay den beroep contra di e decision di gobierno. Tabatin diferente casonan na hof, pero awor por bisa cu mientras tanto e trabounan na e momentonan aki a sigui.
E caso Vacuna Gate unda cu tres ambtenaar di directievolksgezondheid ta keda condena pa traha vaccinatiebewijs pa cu VOVID falso. Cada un di a ambtenaar nan aki cu e proceso cu nan a haci nan a gana casi 25 mil florin , pero na final di e caso cada un di nan a haya un taakstraf y un boet di 2500 florin.
Tambe e caso di Aruba bank cu a gana e caso contra di ex minister y su negoshi Bochincha entertaiment , den hoogeberoep HOF a dicidi cu Arubabank no ta obliga pa habri un bankrekening pa e ex minister y su negoshi mirando cu ministerio publico ta bezig ta persiguiendo e ex minister pa entre otro corupcion. Segun hof e banco ta core e risico di daño di reputacion si e haci negoshi cu e ex minister mirando e circunstancia actual di persecucion door di ministerio publico.
Na aña 2019 gobierno a subi e tarifa di grondbelasting na Aruba. Pero den e ley di grondbeslasting tin poni cu un aanslag di grondbelasting ta valido pa un periodo di 5 aña, e periodo den e caso aki ta di 2017 te cu 2021, pero gobierno a tuma e decision na 2019. Asina a cuminsa un caso contra di e puntonan aki. E Hues encarga cu e caso aki a tuma un tussenuitspraak unda cu pa prome biaha a haci hoogeraad preguntanan riba e caso y hoogeraad a contesta cu wetgever por cambia e tarifa durante di e 5 aña y no mester warda, pero mestercambia e landsverordering. Cu e informacion aki hues a tuma su decision teniendo cuenta loke hoogeraad a conseha.
Tambe un di e casonan mas importante ta dos caso di homohuwelijk unda cu tabatin dos uitspraak di hof riba homohuwelijk den cual hof ta bisa cu gobierno di Aruba y Corsou mester habri posibilidad pa personanan di mes un sexo pa nan por casa. Cu nan ta actuando den lucha contra discriminacion den staatsregeling door di no habri e posibilidad nan. Tanto gobierno di Aruba y Corsou a bay casacion y hoogeraad a mantene e decision di hof.
Caso aveztruz tin diferente sospecho cu a apela e sentencia den corte di prome instancia y hof a laga tende testigonan , a trata tur e casonan
