Na final di e declaracion di vocero di ministerio publico Patrick van der Biezen ta duna di conoce cu Ministerio Publico tin e tarea, y obligacion pa ley pa aplica e ley penal. E momento cu tin personanan cu ta comete echonan castigabel particularmente mandatarionan di Pais Aruba cu ta haci su mes culpabel unda cu ta ricibi placa y otro regalonan acambio di fabornan y otro cosnan cu ta duna e contra partida, esey ta algo hopi grave y ministerio publico mester reacciona riba esey y persigui y investiga y trece e caso padilanti. E Accion di ministerio publico esaki por mire cu e la pasa tambe den e caso di Aveztruz.
Segun vocero di Ministerio publico cu e sentencia di awe ta confirma tambe cu e sospecho cu tabatin di principio cu a keda confirma caba den prome instante y awe atrobe a keda reconfirma door di hof ta duna tambe indicacion , miho dicho ta confirma cu e normanan cu nos ley penal ta describi na momento cu bay impugna cu ne principal como mandatario ta algo hopi serio.
Na momento cu un mandatario haci un acto asina aki ta bezig ta zaag practicamente na e base di nos estado di derecho cu nos ta bibando den dje cu ta e estado di derecho democratico cu nos tin na Aruba y esey kiermen cu ministerio publico tin cu persigui e personanan aki y trece e casonan aki pa asina pueblo di Aruba no perde e confiansa cu nos ta supose di tin riba e mandatarionan.
Na momento cu tin mandatarionan cu ta haci nan mes culpabel pa tipo di actonan asina nan ta percura pa daña pa comunidad perde e confiansa cu nos mester tin den mandatario pa haci su trabou debidamente.
Segun vocero di ministerio publico awe cu e sentencia di hof ta confirma cu den e caso di ex minister Benny Sevinger e no tabata asina.
No por ta asina cu ministernan ta ricibi diferente regalo y acambio ta haya algo , den e caso di Aveztruz ta trata di tereno, aki ta caminda e “Omkoping “ ta sinta .
Na momento cu cualkier comerciante haci pagonan y despues haya un trato preferencial ta papiando di “omkoping” si e parti aki keda pasa e mandatario lo keda persigui pa tipo di casonan asina. Ta importante pa enfatisa e ta bay pa e persona cu ta haya un trato preferencial riba un otro, naturalmente si e haci un pago y e no a haya un trato preferencial y no por prueba esey e ora no por papia di “omkoping”
