Ta un berguensa pa mira kico ta e situacion di Arubus awendia. Por mira minister di transporte Ursell Arends sali awe papia di drecha Arubus, un mandatario cu no a wordo apunta e aña aki pero 3 aña pasa e la keda apunta como minister di transporte, pero awe kier bisa cu e no tin confiansa mas den e director di Arubus.
Awe cu Arubus ta hinca pata pata den debe y no pa motibo di Arubus , pero e compania ta den e situacion cu e ta pa via di politica, esaki ta e mes un situacion di loke ta pasando cu Aruparking, postkantoor y serlimar unda cu pavia di politica, pavia di minister y parlamento di Aruba cu cada biaha ta entremete den e departamentonan.
Segun Otmar Oduber di Plataforma PAIS ta duna di conoce con e compania di Arubus tempo cu su persona tabata minister, pa un trip den bus cu ta wordo haci pa un cliente lo mester a cobra e tempo ey 8.50 pa 9 florin, e tempo ey a tuma un decision como gobierno cu ta 4 florin e ta cobra y cu 5 florin practicamente mester wordo subsidia door di gobierno.
Sinembargo awe e mes un trip ey ta costa 18 florin e lo mester costa y cu e gastonan cu e compania tin awe e ta bira mas caro. Dicon realmente e compania tin gasto ta door di e mes un politiconan cu cada biaha ta keda duna aumento , indexering, cumpra busnan cu no ta sirbi, flota di busnan cu ta para , mal inversionnan cu ta wordo haci ect ect , pesey e compania ta caminda e ta.
Pero e minister concerni cu a traha 3 aña cu e director actual y a permiti tres aña cu e gobierno no ta traspasa fondonan y enbes di cobra 18 florin , pero como gobierno a duna e autorisacion pa cobra 4 florin so y no a duna e placa pa por yega e 14 florin tampoco a wordo haci.
E mandatario di transporte publico di partido RAIZ Ursell Arends e aña aki ta e prome aña gobierno ta cumpli cu Arubus, pero awe na e mes un momento kier hustifica y bula cabes di e director actual.
Sinembargo Otmar Oduber di plataforma PAIS ta reta minister di transporte Ursell Arends pa sali pafo y bisa pa kico e ta kita e cabes di e director, paso si mester mira e trayectorio di kita cabesnan di director y cu nan ta gana caso den corte , ta kere cu e minister mester trek su conclusion. Ta e minister mester tin integridad y bisa cu e no tin confiansa den su mes pa por maneha den e caso aki Arubus .
Otmar Oduber di plataforma PAIS ta reta minister Ursell Arends pa sali pafo y duna e motibo pa kico den e caso aki dicon kier bula cabes di director di Arubus manera ta bira un custumber caba den su maneho.
Ta importante pa parlamento di Aruba lesa e rapport di ARA caminda cu a haci check up den tur e companianan . Otmar Oduber no por compronde ta parce cu parlamento no ta haci su trabou. Con por ta posibel aña pasa na momento cu a trata presupuesto minister Ursell Arends ta bisa parlamento di Pais Aruba cu e la cera un Dienstverleningsovereenkomst (DVO) cu Arubus aña pasa y cu ta traspasa placa te na december aña pasa unda cu full aña practicamente no a pasa placa pa Arubus unda cu constantemente e mandatario ta pasa placa laat pa Arubus y na unda cu e compania no por cumpli cu su debernan di belasting henter aña.
Con por ta posibel cu Minister Ursell Arends ta bisa aña pasa cu e la firma un DVO , pero den e rapport di algemenerekenkamer ta indica cu na februari di e aña 2024 cu nan a haci un investigacion den Arubus y no tin un DVO firma. E pregunta ta keda abase di cua ley y acordering a duna e placanan cu a wordo duna y di unda ta sali cu Minister Ursell Arends ta gaña parlamento di Aruba cu e la firma un DVO siendo cu e no tin nada firma. Sinembargo ta parce cu parlamento di Aruba no a lesa e rapport di ARA paso tur parlamentario ta keto, pero e director si su cabes ta wordo bula.
Segun Otmar Oduber di Plataforma PAIS Minister Ursell Arends a traha tres aña cu un raad van commisaris cu su mes a apunta y no a haci nada, falta solamente 11 luna pa pueblo core cu e mandatario di e mal trabao cu e ta bin ta haciendo den tur e departamentonan cu e ta maneha.
Con por ta posibel cu parlamentarionan den parlamento ta permiti pa minister Ursell Arends ta enganja nan tur sinta den parlamento y e pueblo di Aruba cu e la firma un DVO siendo cu e rapport di ARA ta indica cu no tin ningun DVO firma.
Segun Otmar Oduber sea cu ARA ta gaña of ARA a haci un investigacion malo, pero parlamento ta keto y ningun hende no ta puntra nada, pero e director di Arubus si su cabes ta keda bula.
Normalmente na momento cu un minister por enganja parlamento e ta supose di wordo yama bek den parlamento y wordo poni responsabel y si no por keda poni responsabel e mester tuma honor na su mes y baha como mandatario di Pais Aruba, pero no por mal informa parlamento di Aruba.
No ta desconoci cu tur e carteranan di minister Ursell Arends ta bisto cu ta hiba un maneho desastroso pa Pais Aruba. Ta bisto cu ningun di e carteranan di minister Ursell Arends tin maneho na dje, si mester mira parkietenbos ainda e ley di medio ambiente no a keda pasa den parlamento y tampoco no ta traha riba dje, desperdicio di sushi ketobay e ley di serlimar ta para na parlamento pa 7 aña caba.
Minister Ursell Arends no a bin cu ningun ley di naturalesa pa proteha nos naturalesa y medio ambiente, no a traha pa ningun tarifa pa e taxinan unda cu tur e taxistanan ta cobra loke nan kier paso e mandatario di transporte no por carga responsabilidad y awo por tuma nota di e desaster cu ta tumando luga den transporte publico Aruparking y Arubus
Si parlamento ta respeta su mes nan mester por bay lesa e rapport di Algemene Rekenkamer Aruba y yama e minister pa e responsabilisa su mes y si ta traha husto pa Pais Aruba dialuna mes Aruba lo mester tin un otro minister di transporte publico mirando cu minister di integridad ta bay parlamento y engaña parlamento di Aruba cu ta e organo di mas halto di Aruba.
Otmar Oduber di plataforma PAIS ta reta minister Ursell Arends no solamente pa mustra kico ta e rason nan y motibo nan cu kier kita e director di Arubus, pero ta reta minister Ursell Arends pa saca pa parlamento di Aruba y pa pueblo di Aruba e fecha y dia cu e DVO a keda firma cu Arubus.