Den varios departamento cu ta cay bou di minister Ursell Arends ta un berguensa, si mester mira con minister di transporte ta maneha e cartera unda cu un Aruparking cu ta un compania cu tabata gana y produci riba 2.5 miyon florin tempo cu e la keda introduci . Segun Otmar Oduber di plataforma PAIS e tempo ey tabatin hopi critica unda cu un biaha mas politica a hunga un rol. Sinembargo na momento cu un gobernante no por tuma un decision unda cu no tin e curashi pa tuma e decision e tempo ey a critica Aruparking y bisa cu lo e mata centro di ciudad.
Sinembargo Otmar Oduber di Plataforma PAIS ta duna di conoce cu centro di ciudad no a keda kibra door di Aruparking, alcontrario Aruparking lo a trece un cantidad beneficionan, porehempel no lo mira e tantisimo autonan cu ta dies para unda cu ta y hasta riba acera den tur skina den caya principal. Lamentablemente Aruba su politica no ta asina madura cu por tuma un decision di desaroya manera tur PAIS rond mundo ta haci.
Aruparking a keda maneha den un forma profesional den pasado, pero actualmente aki na Aruba ta mira ya caba a pasa 4 pa 5 aña of mas cu politica ta wordo hunga cu e desaroyo economico di centro di ciudad.
E tempo ey Aruparking tabata genera 2.5 miyon di ganashi cu tabata bay directamente pa Arubus pa asina Arubus por reduci su gastonan cu e tabatin pero na mes momento opera como un solo compania. Centro di ciudad di Aruba no a keda mata door di Aruparking , pero pa politiconan cu ta tuma decision pa pone un cantidad di Mall rond di tur e hotelnan den pasado y te ainda ta sigui haci e mes un fout unda cu ta sigui pone mall nan den porta di waf na Aruba unda cu un biaha mas ta obstaculisa e turista pa yega den caya grandi y stroba y kibra e comerciantenan den centro di ciudad.
Otmar Oduber di plataforma PAIS ta haci un apelacion cu na e momentonan aki cu ta cuminsando cu un desaroyo na San Nicolas di un hotel pa no bay permiti atrobe pa bay haci politica di bay duna permiso pa centronan comercial y tiendanan rond di e hotel pa asina di e forma aki kibra e centro di ciudad di San Nicolas tambe.
Actualmente Aruparking tin mester responsabilidad di e mandatario unda cu mester carga e responsabilidad y tin e curashi pa tuma decisionnan unda cu ta klem e auto paso un hende no ta paga ta normal unda cu e persona ta haya un boet debi cu e no ta cumpli cu ley . Tur parti di mundo ta normal y a cuminsa cu klem y ora cu e ta desaroya su mes y e compania ta mas solido por haci pagonan hasta online manera cu ta na e momentonan aki.
Segun Otmar Oduber di plataforma PAIS e desaster cu tin den centro di ciudad caminda cu e trahadonan mes ta yega y para nan auto 7 or di mainta nan auto dilanti di e 5 luganan dilanti di un tienda y despues cu e tienda habri e cliente no ta haya un caminda pa e por para.
Den caya principal di Aruba practicamente 80% ta hende nan cu ta traha den caya grandi ta parkeer nan auto , pero na momento cu e cliente mester presenta no tin caminda pa para , esaki ta e realidad cu tin na e momentonan aki. Sinembargo Minister di transporte publico Ursell Arends ta sinta tres aña y nada no a tuma luga y ningun decision a tuma luga. Segun Otmar Oduber di plataforma PAIS ta duna di conoce cu su mes un persona tabata sinta den un conseho di minister caminda ex minister Romero y a realisa cu tur e consehonan di e tempo ey caba tabata bon pa PAIS Aruba y e tempo ey a anuncia caba cu lo re-intruduci su mes un maneho unda cu su persona a introduci tempo cu e introduci Aruparking, pero lamentablemente politica un biaha mas a haci su metemento cu awe e compania cu a inverti den e companianan ta haye un biaha mas ta bolbe cumpra cu miyones di placa di pueblo pa asina e mashinnan por cuminsa traha bek despues cu nan a keda bandona pa 5 aña y awe ta bay pa tres aña bou di e signatura di e gobierno actual cu Minister di transporte Ursell Arends cu full Aruparking ta wordo laga un banda despues cu e propio minister Ursell Arends a anuncia cu lo bay cuminsa cobra bek pa Aruparking pa no solamente scapa Aruparking y e inversionnan na Aruba pero ta tambe duna e servicio na centro di ciudad.
