Luna di Juli ta luna di centro di Bardio Dakota, e echo cu ta celebra esaki ta debi cu Bario di Dakota a hereda un herencia cu for di mucha den luna di juli como mucha a lanta cu tabatin e competencianan di Dakota pariba y Dakota pabou y na mes momento ta celebra 15 di juli e fecha cu a funda sport vereneging Dakota.
Despues cu e bestuur nobo a tuma rienda y a logra danki na e leyendanan di bario di Dakota cu ta sr. Amado Rosina,Papito Comenencia ,Luis Tromp, Roy Cuandus nan tabata e grandi nan cu tabata bin desde cu a habri e club tur atardi. Na momento cu ta encontra otro tur atardi tabata intercambia idea y den esaki a nace pa cuminsa cu olimpiada Dakota.
E decision a cay cu lo organisa Olimpiada Dakota cu lo cuminsa diahuebs awo 11 te cu 14 di juli. Banda di esaki Centro di Bardio Dakota tin su retonan mirando cu ta den diferente pida proyectonan manera renoba e cura di centro di Bario Dakota, pero e tin su costo. Pesey mes organisa Olimpiada Dakota y cu e Bario ta bini hunto pasa momentonan great cu otro na mes momento ta aporta pa bon causa pa e centro. Ta importante pa e bario mes sostene su centro debi cu ta pa e bario e centro di bario ta traha, e intencion ta pa e personanan di e bario Sali afo y topa otro y pasa momentonan ameno cu otro na centro di Bario Dakota.
Diahuebs awo 11 di Juli e olimpiada ta start pa 7 or di anochi den centro di Bario Dakota cu un anochi di ping pong y basketball. Na mes momento tambe lo habri e cancha di basket oficialmente despues cu tabatin basta contratiempo cu a cancha di basket cu a inicia bou di e maneho di directiva anterior , porfin ta logra di habri oficialmente e canchi y asina duna un cara nobo na centro di bario Dakota cu e apertura di cancha di basketball despues di mas di 30 aña cu e cancha tabata cera.
Cu trabao nan duro y perseverancia a traha duro y tur cos ta cla , pero awo centro di Bario Dakota tin mester di e sosten di e Bario di Dakota di e hendenan di Dakota pa sostene nan propio centro y apoya pa asina generacionnan por sigui disfruta di dje y haci deportenan sano.
E invitacion ta keda pa ta diahuebs , diabierna,diadomingo y diasabra cu tin actividad na club y tur loke cu keda aporta na e club cu un compra di bebida of cuminda lo bay bek den e club pa asina por sigui cu e proyecto inicia por keda cla.
Actualmente tin un pida basta grandi di cura di e veld cu ta basha abou y e meta ta pa lanta esaki bek pa asina Centro di Bario Dakota tin su cura completamente renoba. E meta principal y e soño tras di esaki ta pa inicia e proyecto pa pone yerbe artificial pa e deportistanan por hunga riba un veld mas profesional. Tur florin cu inverti sea na e bar of cushina lo mira bek den e centro di bario Dakota completamente renoba.
Sea cu bo a nace , biba of cu a bay biba den un otro bario na grandi , corda semper di unda bo raiz ta y yuda bo bario pa logra su meta.
