Rayshantaly Coffie ta subrina di Tirso Coffie y ta formando parti di Formacion Musical Krioyo (FMK) pero Rayshantaly Coffie a cuminsa canta for di un edad hopi chikito mirando cu su ruman homber Dyron Coffie tabata cantante caba y e tabata mira hopi riba loke su ruman tabata haci y asina e idea y e interes a cuminsa pa cuminsa canta.
Rayshantaly Coffie a yega di participa den diferente festivalnan manera canto crioyo, tumba y tambe canta pa Boneiru. Aña pasa Rayshantaly Coffie a gana e titulo maximo den festival di canto crioyo den seccion adulto , pero tambe a gana den festival di canta pa Boneiru.
E aña aki Rayshantaly Coffie a participa den tumba y a Sali prome finalista y den canto crioyo a Sali di dos finalista. Pa t un hoben den mundo di musica e sentimento na momento cu ta bay participa y ta gana of Sali den finalistanan ta hopi grandi. Sinembargo prome cu yega pa a gana ya caba tabatin algun aña ta participando y sigur experiencia ta hunga un rol. E sentimento pa gana un festival asina grandi cu 29 participante no tin palabra pe.
Formacion Musical Kriyoyo (FMK) ta crea hobennan den musica crioyo na Boneiro. Rayshantaly Coffie ta forma parti di e fundacion aki hunto cu diferente otro hobennan di nan edad cu lo ta bay ta e futuro generacion cu ta carga e cultura di Boneiro den nan musica unico y diferente cu ta keda crea pa e cultura y identidad di Boneiro. E banda completo ta di hobennan so, esaki ta algo unico y diferente cu tin compara cu e islanan di Curaçao y Aruba.
E hobennan ya caba ta manera un famia cu otro y e conexion di musica t’ey y esaki ta crea e energia di talento cu nan ta brinda na e comunidad di Boneiro. Sinembargo Rayshantaly Coffie di Formacion Musical Kriyoyo (FMK) ta duna e conseho na tur hoben cu si nan ta sinti cu nan tin amor pa musica dicon no engrandece nos cultura cu musica crioyo. Sea cu ta wiri, tambu por toca of kier siña toca acerca na esunnan cu por yudado crea bo talento y asina engrandece e cultura di musica crioyo.
