Biblicamente ta proba, cu orguyo ta destructivo, pasobra tur hende mester sa cu, orguyo y falta di
pordon, ta causa di depresion, cual ta hiba na problema di salud mental y hasta por causa locura y
morto.
*Dicon esey ta sosode ? Pasobra e tipo di orguyo ey ta opone contra e palabra di Dios, y sin sconde e
gran berdad pa ningun hende , nos tin cu bisa e cos manera e ta.
*Cu tur hende cu ta opone Dios su palabra y su pincipionan ta wordo ataca pa un spirito di eror, cu
solamente arepentimiento completo, por trece cambio y cura den nan bida.
No ta existi remedi na mundo pa cura orguyo, den ningun botica e no ta obtenibel, wak con lihe e
vacuna contra coronavirus a wordo inventa.
Pero e remedi contra orguyo tey hopi tempo caba for di mas cu dos mil aña pasa y su nomber ta Hesus
Cristo di Nazaret, y enbes di hende acepta Cristo Hesus nan ta laga diabel bruha na mente y bay contra
Dios y su palabra , cu ta algo cu nos tur sa cu ta hiba na propio destruccion.
E asunto aki a keda proba den bijbel y nos por djis presenta algun pa por refresca memoria di hende:
Lucifer e principe di orguyo a lanta contra Dios den cielo, hunto cu un tercera parti di angelnan y esey
a causa su caida, e a perde su bunitesa ( Ezekiel 28:13-17) y te awe e ta wordo reprende y rechasa pa
esnan cu stima Dios.
Rey Nabucodonosor a cay perdi den su orguyo te na momento cu e a reconoce cu ta cielo ta goberna
Daniel 4:26 y Daniel 4:37 ta prueba grandi di esey cu tur hende por lesa.( Daniel capitulo 4 :1-37).
Rey Saul a muri den su orguyo, pa motibo di su desobedencia un spirito malo di parti di Dios a bini
riba dje. ( 1 Sanuel 16:23). Saul a perde cabes y a comete suicidio pasobra e no kier a arepenti di su
orguyo y maldad.
Su orguyo a hibe na bruheria, pasobra e a nota cu su comunicacion cu Dios ta kibra (1 Samuel 28).
Den e buki di 2 Samuel 31: 4-5 Saul ta kita su propio bida.Lesando e historia aki tur hende por tuma
nota te na unda orguyo por hiba hende.
Farao di Egypto su orguyo a hibe na su propio destruccion ( Exodo capitulo 14).
Tin hopi hende den depresion, sufriendo di salud mental, y tin hasta muriendo, pa motibo di orguyo.
Proverbionan 8:13 ta bisa E temor di di Señor ta pa odia maldad, orguyo arogancia y mal caminda,y
un boca perverso mi ta odia.
Proverbionan 11: ta para scirbi: Ora orguyo bini deshonor tambe ta bini, ma sabiduria ta serca e
humildenan.
Proverbionan 16:5 ta recorda tur hende: Cada hende cu ta orguyoso di curason ta un abominacion pa
Señor, siguramente e lo no keda sin castigo.
Tur esaki ta para scirbi den bijbel pa hende evita di cay den gara di satanas y rechasa palabra di
Dios.Pasobra orguyo ta isola hende pone nan sintinan mes discrimina, cual ta e plan di diabel pa
destruccion pasobra Dios no ta discrima, Dios ta stima tur hende.
Pero ora hende ta biba den pica, y no kier arepenti, y ta busca tur forma pa legalisa nan error, pa asina
agrada nan carni, y cay den enemistad cu Dios , Dios mes lo atende cu nan segun Romanonan 1:28-32.
Y locual ta para scirbi nos por tuma nota di dje actualmente.
Dios tene misericordia.
Sinceramente. Pastor Marcel Balootje.
