Aunke tur Pais tin nan mes un puntonan cu ta struggle cu nan mes un situacion tog tin similaridad cu Aruba y Caribe y pa e motibo aki mes por traha hunto y inspira, motiva otro.
Sietske van der Wal Conservation Education Manager, Marine Park Manager na Aruba National Park Foundation a forma parti di e workshop di “The Regional Peer-to-Peer Learning Exchange on “Developing Coral Restoration Roadmaps for the MPA Connect Network” na Key West, na Florida”
cu a keda organisa door di AGGRA y MPA. Pa e parti di Caribe tabatin 15 pais cu a participa y asina a siña hopi di otro. Aruba den e parti aki tambe tabatin un parti di restauracion di coral cu Aruba por a comparti cu e resto di mundo .
Door di participa na e tipo di workshopnan aki cada pais por siña di otro kico tur ta wordo haci, kico ta exitoso, kico ta e fayonan cu tabatin pa no haci e mes un fout.
Segun Sietske van der Wal tambe tin hopi otro presentacion importante cu a keda presenta. E workshop tabata enfoca hopi riba loke ta trata restauracion di rifnan di coral. Na Aruba e situacion di coralnan ta hopi severo cu malesanan y banda di esaki tin temperatura nan cu ta aumentando y tin situacionnan cu coralnan no por recupera mas. Door di e situacion aki mes paisnan ta duna e conseho cu mester saca algun coralnan for di awa y pone nan den un situacion cu por controla e temperatura di e situacion pa nan por sobrevivi. Sinembargo esaki por ta un situacion temporario debi cu na final mester pone nan bek den naturalesa. Esaki ta e preguntanan cu ta keda riba mesa si berdaderamente por confia cu e lama ta bira bek den un temperatura cu e coralnan por sigui biba den fondonan di lama ?.
Loke ta importante pa nos como hende por haci ta mitiga e impacto cu nos tin porehempel nos consumo. Tambe tin otro paisnan cu ta focus mas riba e sistema etamologico di e rif di coral unda cu ta wak den hopi situacionnan cu e rifnan ta keda tuma over door di alga, alganan cu ta cuminsa crece over di e coralnan y door di esey e coral ta perde e competencia. Door di e desaroyo aki ta mira tur e bestianan cu ta come e alganan con e poblacion aki ta si nan ta bibo of no tin suficiente y ta mira con por rebiba esaki. Na Aruba ya caba a haci un paso hopi importante pa e parti aki unda cu ta proteha tur bestianan di lama cu tin e potencia pa come e alga porehempel boeshinan di lama, cangreu ext ext.
Un punto cu tur e paisnan cu a participa den e workshop ta , ta cu e serhumano ta e impacto principal riba nos lama. Tin mas pais cu tin hopi mas problema cu polucion , impacto fisico y tambe tin cu no tin e structura legal pa proteha e impacto marino. Cada pais tin nan mes un problemanan y ta atende cu nan problemanan di un manera beneficioso pa e pais.
Segun Sietske van der Wal tabata hopi interesante y motiva pa mira con tur e diferente paisnan ta atende cu e tipo di problemanan aki y cu Aruba por a comparti di su banda tambe unda cu ta inspira otro kico por uza y kico no por uza na Aruba pa por motiva e coralnan di Aruba tambe den e situacion cu nan ta actualmente. E realidad ta cu Aruba su rifnan tambe ta den peliger y nos mester haci algo. Sinembargo ainda mester procesa e ideanan cu a ser presenta na “The Regional Peer-to-Peer Learning Exchange on “Developing Coral Restoration Roadmaps for the MPA Connect Network” na Key West, na Florida” Prome cu Aruba tuma un decision kico por haci pa salvaguardia e rifnan di coral na Aruba.
