Royal Aruba Aloe y Cosmedica Clinic Aruba ta
orguyoso pa anuncia nan colaboracion den un campaña di conscientisacion di solo y
e lansamento di un producto nobo di “Sun Care Lotion” specialmente diseña pa
mucha. E iniciativa aki, dirigi pa Dra. Desirée Poortinga di Cosmedica y Royal Aruba
Aloe, tin como meta pa educa e comunidad tocante e importancia di proteccion contra
di solo y duna solucion accesibel pa garantisa salud di cuero di mucha.
E campaña, bou di e lema "SUN SMART, SKIN STRONG: SHIELD FROM HARMFUL
RAYS ALL DAY LONG!", a cuminsa oficialmente dia, dialuna 10 di Juni. Como parti di e
programa piloto, e prome dispensers di e “Very Water Resistant Suncare (VWR Suncare) a
ser instala na Mon Plaisir Basis School y Kleuter, pa duna studiante acceso fasil pa
proteccion contra di solo tur dia.
E “highlight” di e campaña ta e introduccion di VERY WATER RESISTANT ALOÉ RICH
SUNCARE SPF 30 den forma di dispenser na scolnan, specialmente formula pa Royal
Aruba Aloe den colaboracion cu Cosmedica Clinic Aruba. E producto aki ta diseña pa duna
proteccion superior di solo mientras cu e ta nutri e piel. Y lo mas miho, e ta hopi resistente
mes contra awa.
E sunblock SPF 30 hopi resistente contra awa ta formula cu un mescla unico di 100% Gel di
Aloe Vera Puro di Aruba, Vitamina E, azeta di Coco y azeta di Jojoba, sin parabens, y ta
laga bo piel sinti suave y moli mientras ta duna e proteccion di solo cu bo piel mester
incluyendo proteccion di UVA/UVB.
E campaña aki ta un paso importante pa conscientisacion tocante seguridad di proteccion
contra di solo entre e populacion mas hoben na Aruba. Haciendo proteccion di solo di halto
calidad facilmente disponibel y educando mucha tocante su importancia, Royal Aruba Aloe
y Cosmedica Clinic Aruba ta comprometi pa stimula un generacion mas saludable ku ta sabi
contra di solo.
