Den corte a ser trata caso di Endy Jan Hendrik Croes representa door di abogado di A.A. Ruiz y E.A. Suárez Chirinos contra Tera News h.o.d.n. Headlines Group, tepresenta door di Abogado D.G. Kock.
E caso den corto ta trata cu Headlines Group a publica riba su website 24ora.com articulonan tocante Croes, kende awor ta Minister di Enseñansa y Deporte. E articulonan aki ta bisa cu den tres instancia a constata cu Croes a haya su retiro for di su empleado anterior, pasobra e lo a enrikece su mes y su famia cu placa di su dunado di trabou. Croes ta di opinion cu e publicacion aki no ta corecto y ta pidi pa 24ora pone un rectificacion. Corte a nenga Croes su peticion.
Den e caso aki ta trata di declaracionnan di prensa. Den e Cuadro di Libertad di expresion.
Prensa tin un funcion importante den comunidad, principalmente como watchdog cu ta revela asuntonan, y por stipula e derecho di e publico pa ricibi informacion (critico). Kico den e manera cu e prensa ta haci esaki, e libertad di periodismo ta un punto di bista importante. Esaki ta nifica entre otro cu no solamente un bista obhetivo y pero tambe ta permiti un grado di exageracion of hasta provocacion. Sinembargo, den e caso aki, mester uza e diligencia: e periodistanan mester ta consciente di e necesidad pa un informacion exacto y garantisa bon informacion, particular ora ta presenta acusacionnan, cu respet pa e etica di periodismo.
Publico den un caso asina ta spera y asumi cu e declaracionnan ta debidamente investiga y cu nan ta corecto. E caso a caba y na unda cu Hues a nenga e peticion di Endy Jan Hendrik Croes pa 24ora rectifica.
Mester bisa cu no ta na Aruba so tipo di caso nan asina a pasa , pero na Corsou tambe un similar caso a tuma luga riba mesun dia, aki ta trata politico cu politico ta ofende otro unda cu Hues a prohibi e politico Elvis de Andrade distribui video cu ta ofende minister Charles Cooper.
Si e haci esey, e costo por bay for di 5.000 florin pa dia te cu un maximo di 100.000 florin. Ta trata di imagennan cu De Andrade a publica riba Facebook riba 1 di maart di e aña aki. Pero segun e hues e no tin mester di retira palabranan ofensivo riba e minister. De Andrade a acusa e minister di corupcion y relacion sexual y a bisa riba Facebook cu Cooper mester ta prepara pa uza su arma pasobra e ta bay den guera cu e minister. De Andrade a mustra riba medionan social un disco cu ta contene puntonan di bala.
E hues a bisa cu e declaracionnan di De Andrade ta cay den e limite di critica admisibel. E tipo di declaracionnan por ta ofensivo of chocante, pero esaki ta parti di e funcion publico, e hues a bisa.
Aki nos por tuma nota di dos caso cu contenido di expresion y daño na otro ta hunga un rol. Sinembargo e mensahe di huesnan den tur dos caso tabata bon cla
1-Cu Prensa no por tapa un berdad si e ta un berdad, prensa su deber ta pa informa pueblo cu echonan berdadero
2- Politiconan cu politiconan no por sinta ofende otro den un extremo sin algo no ta cuadra cu berdad y no tin echonan riba dje.
Dos caso interesante pero na mes momento Huesnan a manda e mensahe pa politiconan y pa prensa basta cla con mester anda cu otro den comunidad pa na final ta e pueblo ta esun cu mester haya e ehempel y e respuestanan cu basenan obhetivo y berdad.