Diabierna ultimo tabatin eleccion pa eligi un sindicato nobo di polis. Rodney Solognier a keda reeligi como presidente di sindicato un biaha mas y ta na cabes di Sindicato di polis Aruba (SPA) un biaha mas pa sigui cu e retonan cu tin den cuerpo policial.
Tin un bestuur nobo cu ta consisti di Presidente Rodney Solognier, Vice voorzitter Mr. Francel Bernardus cu tabata un comisario den pasado, Tesorero Sra. Michella Rasmijn, Secretario Mr. Alejandro Pirela Soto, Mr. Mario Kock, Mr. Raymond Lacle, Mr. Darren Palm y Mr. Alex Wernet cu ta comisario.
E bunita di e votacion di sindicato SPA e aña aki ta cu no tabatin otro gruponan cu a postula debi cu cu e miembronan generalmente ta contento cu e trabounan cu a wordo haci ultimamente di e mes un grupo cu e keda reeligi y awo cu algun mas cu a bin acerca. Presidente di sindicato SPA Rodney solognier ta contento cu e por conta cu tur su miembronan cu ta para su tras y kere den su persona pa logra cosnan grandi pa nan.
E bestuur nobo lo sinta pa dos aña y ya caba e prome reunionnan a cuminsa y a sinta cu Kopschef Ramon Arnhem caba pa atende algun punto y e siman aki lo manda un carta di recordatorio riba e puntonan interno y personal di algun polis cu mester keda regla.
Tambe tin algun puntonan cu tin e cuerpo general preocupa y e desaroyonan rond di nan y e deseo cu kier mira un cuerpo policial fuerte ta resultadonan cu gobierno mester duna contesta riba e vision y meta di cada punto. Porehempel e situacion di ex hefe di polis Dolfi Richardson sindicato SPA ta na altura di dje pero cu ta opta na mes momento pa warda kico ta e resultado den e parti aki, mirando cu tin hopi speculacion rond di e situacion y pa e motibo aki mes sindicato SPA ta kere ta importante pa e situacion cana e caminda cu mester cana y lo mira kico ta e resultado tras di esaki.
Pa loke ta trata e warda di Codemsa Presidente di sindicato SPA ta contento cu por a mira e etapa a cuminsa, pero na mes momento ta curioso si realmente e warda di Codemsa bieu lo ta cla pa december 2024 cual cu minister di husticia a priminti na sindicato SPA cu e warda lo ta cla. Tin hopi trabao ainda pa haci y falta solamente algun luna pa ta december.
Segun presidente di sindicato SPA retonan tin tur dia tin retonan nobo. Ta convenci cu a haci un bon trabou den e ultimo dos añanan, porehempel a logra pa warda di oranjestad por a bay den un edificio nobo, Bulletproof vestnan a keda entrega ect ect . Na e momentonan aki loke cu tin un disgusto bou di e miembronan di SPA ta cu e uniformnan nobo ta tardando masha hopi mes, sinembargo ya caba a haya indicacion cu e lo tarda un poco mas mirando cu tin un problema cu e fabrica cu no a haci entrega di esaki ainda.
Berdad a haya uniform, pero loke cu tin cada polis a ricibi un set so y ta cargando esaki pa 3 aña caba y no ta corecto pa biba traha cu un set di uniforma so, principalmente pa e polisnan cu ta traha riba caya esaki ta algo inaceptabel. Mirando cu no tin uniform polisnan ta haya nan mes cu ta bisti otro tipo di carson cu no ta e carson di polis algo sigur cu no ta corecto pero e ta comprendibel debi cu si no tin carson pa duna nan , nan mes mester busca un manera di ta representabel y busca un carson pa nan por sigui traha.
E berdad ta cu a scoge e model pero tabatin un semi desacuerdo cu leiding debi cu e carsonnan tabata great pero a pidi pa nan ta un poco mas elastico mirando cu e polis mester ta confortabel na momento cu e ta traha riba caya cu e uniform y cu e no ta core e risico cu e carson ta kibra asina cu nan core of cu mester bula of buk.
Oficialmente e bestuur lo sinta e siman cu ta bin y asina ta spera cu e salida di e bestuur nobo di SPA ta uno uni y lo delega e tareanan entre nan y cada un di nan lo asumi nan responsabilidad cu lo traha hunto na bienestar di tur nan miembronan. Cada polis cu ta motiva pa traha lo duna un miho servicio na comunidad.
Banda di tur cos no ta desconoci cu presidente di SPA Rodney Solognier a haya un accidente fuerte y cu ainda e ta recuperando na cas, su trabou como polis ainda e no por fungi optimalmente, pero como cu e la keda reeligi como presidente di sindicato SPA si lo e por cuminsa drenta paso pa paso haci algun trabou mirando como sindicato no mester di su curpa, pero su mente , boca y man pa skirbi