BACKGROUND
Oceanonan di mundo ta haci Tera habitabel pa humanidad. Awacero, awa potabel, clima, tempo,
costa, gran parti di nos cuminda y incluso e oxigeno cu nos ta respira ta bin di oceano den ultimo
instancia y tur ta ser regula pa nan. Oceano y laman ta canalnan vital pa transporte y comercio.
Utilisacion prudente di e recurso aki ta clave pa un futuro sostenibel. Sinembargo, e actualidad ta cu
tin un deterioro continuo di nos awanan costero, debi na contaminacion y acidificacion, locual tin un
efecto adverso riba e funcionamento di ecosistema y biodiversidad y tambe afectando pesca
artesanal. Areanan marino proteha mester ser administra di un manera debido cu suficiente recurso
disponibel y regulacion pa reduci sobrepesca, contaminacion marino y acidificacion di oceanonan.
Pa tur e razonan aki Asamblea General di Naciones Uni a dicidi cu entrante 2009, Naciones Uni lo
celebra 8 juni como Dia Mundial di Oceanonan, mediante Resolucion 63/111, di 5 december 2008.
Tema pa 2024: Spierta un profundisacion nobo tocante oceano (Awaken New
Depths)
Oceanonan ta cubri mas cu 70% di nos planeta. Nan ta nos fuente di bida y ta sustento pa
humanidad y tur otro organismo riba planeta Tera. Oceanonan ta produci por lo menos 50% di e
oxigeno di nos planeta y ta forma e ecosistema cu ta contene e mayoria di biodiversidad mundial y
ta alabes e fuente di proteina principal pa mas di un biyon ser humano.
Sinembargo a pesar di tur e beneficionan aki, e oceanonan mester di nos sosten.
Cu mas di 90% di poblacionan di pisca grandi usa pa consumo humano reduci y 50% di e rifnan di
coral destrui, nos ta sacando mas recursonan for di e oceanonan cu por ser reponi. Nos mester
traha hunto pa crea un balance nobo cu ya no ta caba cu recursonan oceanico sino ta permiti
repone esakinan y restora oceanoan como ecosistema vibrante cu un bida nobo
“Spierta un profundisacion nobo tocante oceano“ ta e tema pa Dia Mundial di Oceanonan 2024,
un aña marca pa e Decada di Nacionan Uni di Ciencia Oceanico pa Desaroyo Sostenibel (2021-
2030) Nacionan Uni ta uni forsa cu Gobiernonan, lidernan indigena, cientificonan, ehecutivonan den
sector priva, sociedad civil, celebridadnan y activistanan hubenil pa mustra con nos relacion cu e
oceanonan mester cambia urgentemente y cu den tur esfuersonan te aworaki nos a solamente toca
e superficie di nos conocimento y strategianan necesario pa actua.
A bira ora pa spierta un profundisacion nobo tocante oceano.
Ciencia Oceanico pa Desaroyo Sostenibel y Tratadonan Maritimo pa profundisacion
Na 2017 Nacionan Uni a proclama e Decada di Nacionan Uni di Ciencia Oceanico pa Desaroyo
Sostenibel pa e periodo 2021-2030, y a invoca e Intergovernmental Oceanographic Commission di
UNESCO pa prepara un plan di implementacion pa e Decada den consulta cu Estadonan Miembro
di Nacionan Uni, organisacionan specialisa, fondo, programa y organismo di Nacionan Uni y demas
otro entidad intergubernamental, NGOs y stakeholders. E motivacion pa e Decada tawata pa reverti
e ciclo di deterioro di salud di oceanonan.
Collaborative Research – ICT for development – Governance –
Treaties Monitoring with focus on SIDS
Press inquiries: Email: press.rwicore@gmail.com
Facebook: https:/www.facebook.com/rwicorefdn
Aruba Chamber of Commerce Register no. S.582.0
PO Box 1154, Oranjestad, Aruba, Dutch Caribbean
IOC-UNESCO a crea un Plan di Implementacion, y a formula un Roadmap, Obhetivo, Desafio y
Meta pa logra, tur den e cuadro di e Obhetivonan di Desaroyo Sostenibel (SDGs).
Na 2018 Nacionan Uni a proclama 2022 como Aña Internacional di Pesca Artesanal y Acuacultura.
Na 2019 Nacionan Uni a adopta e Decada di Nacionan Uni pa Restoracion di Ecosistema (2021-
2030), cu e meta principal pa restora ecosistema terrestre y marino y pone un paro na e perdida di
diversidad biologico alarmante riba Planeta Tera.
Na 2021 Nacionan Uni a designa 2022 como Aña Internacional pa Ciencia Basico pa Desaroyo
Sostenibel.
Na 2022 a tene e Conferencia di Nacionan Uni riba Oceano, 27 juni-2 juli na Portugal den cual a
adopta e Declaracion “Nos Oceano, Nos Futuro, Nos Responsabilidad”.
Na final di 2022 durante e 2022 UN Biodiversity Conference COP15-CP/MOP10-NP/MOP4 teni den
dos parti na Montreal, Canada y Kunming, China a adopta e Kunming-Montreal Global Biodiversity
Framework formulando 4 elemento clave pa logra pa 2050 y 23 meta pa logra pa 2030.
Na 2023 durante e di cinco sesion di e Intergovernmental Conference on Conservation and
sustainable use of marine biological resources beyond areas of national jurisdiction a logra yega na
un concepto pa un tratado, cual ta spera di lo keda adopta na e di seis sesion 19-20 juni 2023.
Juni 24-26, 2024 lo tuma lugar un reunion di e Preparatory Commission ariba e mesun tema aki.
Na januari 2021 e Plastic Waste Amendments of the Basel Convention on the Control of
Transboundary Movements of Hazardous Waste and their Disposal a drenta na vigor haciendo e
tema di combati polucion di plastico un tema di prioridad.
Na maart 2022 durante e cumbre UNEA-5.2 na Nairobi ta adopta UNEA Resolution 5/14 “End
plastic pollution: Towards an international legally binding instrument” (un Global Plastics Treaty).
Den un segundo sesion di e Intergovernmental Negotiating Committee pa desaroya un instrumento
huridico cu forza di ley internacional pa combati polucion di plastico (INC-2), teni 29 mei te cu 2 juni
2023 na Paris na e sede di UNESCO a keda acorda pa mas o menos 170 pais pa cuminza traha un
promer concepto pa e tratado pa keda presenta na November 2023.
23- 29 april 2024 a sigui elabora riba e tema aki den e di cuater sesion di e Intergovernmental
Negotiating Committee pa yega na e Global Plastics Treaty.
10-12 April 2024 a ser organisa dor di Unesco na Barcelona e Ocean Conference 2024 den cuadro
di e Decada di Nacionan Uni di Ciencia Oceanico pa Desaroyo Sostenibel.
Y na mei 2024 a sali e State of the Ocean Report 2024, cual por cierto ta menciona nos experto
meteorologo Marck Oduber (PhD) como un reviewer di e rapport aki.
SITUACION NA ARUBA
Na Aruba laman falta di ley pa regula contaminacion, proteccion di biodiversidad y recurso marino:
No tin Landsverordening Milieubeheer
No tin un Landsverordening Maritiem Beheer pa fiha, regla, proteha y monitorea nos zona
exclusivo economico riba laman y rikeza mineral den fondo den e area aki.
Basel Convention on the Control of Transboundary Movements of Hazardous Wastes and
their Disposal NO ta implementa
Convention for the Protection of the Marine Environment of the Wider Caribbean (Cartagena
Convention) ainda falta pa implementa e importante LBS Protocol, Land-based Sources
Protocol, cual ta regula polucion likido y solido cu ta yega laman di actividad riba tera.
Parke Marino Aruba no ta cubri costa completo y awanan teritorial y aplicacion di e Tratado
(Cartagena) pa proteccion y desaroyo di e medio ambiente marino di e area regional di
Caribe y su Protocol pa Areanan Proteha Especial y Bida Salbahe ta laga hopi di desea.
Na Aruba NGO cu ta conduci ciencia oceanico ta Rainbow Warriors Core Foundation,
Caribbean Applied Engineering and Science Research Foundation y Metabolic Foundation