Parlamentario Arthur Dowers ta na Hulanda pa reunionnan di Tripartiet y IPKO. E prome reunion tabata na Raad van staten, despues tabatin reunion di tripartiet unda cu Aruba,Curaçao y St Maarten ta bini hunto pa atende e asuntonan di interes pa cu e diferente islanan, pero tambe tin topiconan riba agenda cu ta relata e Hulandesnan pa cu e islanan den Caribe.
E reunion di Tripartiet e biaha aki ta trata hopi di e problemanan cu tin den comunidad y e retonan cu e gobiernonan ta confronta cu ne riba e islanan. Tambe a bin un proposicion riba e parti di geschillenregeling unda cu e Paisnan di Aruba Curaçao y St Maarten lo kier bin cu un proposicion pa un Rijskwet pa e geschillenregeling y e la keda aproba den e reunion di Tripartiet y e cambio lo keda manda pa gobiernonan pa asina e gobiernonan di e islanan manda e proposicion pa gobierno Hulandes riba e parti di geschillenregeling.
Parlamentario Arthur Dowers ta duna di conoce cu si e cambio aki ta bay duna resultado no sa ainda mirando cu gobierno Hulandes a cambia y e posicion na e momentonan aki di gobierno Hulandes ta hopi menos pro e islanan cu a yega di conoce den pasado. Aunke segun parlamentario Arthur Dowers e signatura Hulandes no ta mucho contento cu e islanan den Caribe, pero nos tur sa cu esaki ta bin debi na e comportacion di e islanan mes.
A bin un discusion riba consensus Rijkswet y esaki ta un ley di Reino Hulandes caminda cu no solamente ta Hulanda ta tuma un desicion y impone su deseo pero un of mas isla tin e derecho di deseo tambe, dus unda cu e consensus ta palabracion ta keda tuma hunto cu e otro islanan. Pa loke ta trata COHO y financieltoezicht cu ta regla door di Hulanda mester a bay via di un Rijkswet.
Parlamentario Arthur Dowers ta duna di conoce cu Prome Minister Evelyn Wever Croes ta e persona cu a palabra y a compromete Aruba, unda cu a entrega autonomia di Aruba. Tempo a bay St Maarten algun aña atras caminda cu partido AVP mester a para hopi duro pa por a para e Rijkswet e tempo aya y asina a pone cu COHO no a bin pa asina despues tog ta mira cu Prome Minister Evelyn Wever Croes ta entrega tur e responsabilidad di Aruba na gobierno di Hulanda. E tempo ey Hulanda a vocifera cu tin palabracion y nos mester cumpli cu esaki.