Mehora seguridad di bida pa e habitantenan di Boneiro, Saba y Sint Eustatius y
palabracionnan nobo riba colaboracion den e reformanan cu e paisnan Corsou, Aruba y
Sint Maarten. Den 2023 esaki tabata e logronan mas importante den e relacion entre
Hulanda y e partinan caribense di Reino.
Menos gastunan di bida
Na 2023 a publica e rapport di e Comicion Social Minimo Hulanda Caribense. Parsialmente
basa riba e rapport aki, e gabinete a dicidi di pone 30 miyon euro disponibel structuralmente
entrante 2024, pa mehora e seguridad di bida di habitantenan di Boneiro, Saba y Sint
Eustatius. Asina e salario minimo legal lo aumenta te $1.750 pa luna entrante prome di juli
2024. Na 2023 a tuma diferente medidanan pa baha e gastonan di bida. Ehempel di esaki ta
e mantencion di e subsidio di energia, e reduccion di gastonan di coriente, awa di bebe y
internet, e subsidio pa e ferry na Islariba y un contribucion financiero pa transporte publico
na Boneiro, Saba y Sint Eustatius.
Na 2023 a sera acuerdonan administrativo cu tanto Sint Eustatius komo Saba. E temanan
principal ta inclui seguridad di bida, desaroyo economico y teritorial, clima, naturalesa y
medio ambiente, bon gobernacion y ampliamento di e capasidad di ehecucion.
Colaboracion duradero riba reformanan
E cuater paisnan den Reino a firma na comienso di april 2023 e Areglo Mutuo pa
colaboracion duradero riba reformanan den e sector publico den e paisnan caribense.
Aruba, Corsou y Sint Maarten ta traha hunto cu e Organisacion di Trabou Temporal (TWO).
Na Aruba, entre otro, a yega na un acuerdo riba modernisa e mercado laboral combina cu
fortificacion di e seguridad social y a sera un acuerdo di cuido pa controla gastonan di cuido
y vigila e calidad di kuido.
Na Corsou, na aña 2023, a introduci e programa 'Mehora Funcionamento di Gobierno' pa
realisa bahada den gastonan di personal y pa fortifica e calidad di e aparato gubernamental.
A digitalisa e loket di permit pa empresario na Corsou y a sigui traha pa atende cu retraso
den mantencion di edificionan di scol.
Na Sint Maarten, na aña 2023 a establece e cuadro pa reforma amplio den e organisacion di
gobierno. Fortificacion di organisacion di gobierno, cultura di organisacion y integridad ta
central den esaki.
Acercamento criminalidad cu ta submina comunidad
Den 2023, e ministerio di BZK a reserva alrededor di 18 miyon pa atende cu criminalidad cu
ta submina comunidad den e parti caribense di Reino. A usa e fondonan aki pa amplia e
capasidad di Recherche Samenwerkingsteam (RST), e Ministerio Publico di Corsou, Sint
Maarten y Hulanda Caribense, e Ministerio Publico di Aruba y e Corte Comun di Husticia. Na
2023, a cuminsa cu ehekucion di e prome proyectonan basa riba plannan di maneho cu a
prepara conhuntamente. Manera desaroyo di campañanan di conscientisacion, huur
capasidad legislativo y establece imagennan di subminamento.
Reconstruccion di Sint Maarten
E reconstruccion di Sint Maarten, despues di e destruccion di orcan Irma na 2017, ta
progresando constantemente. E resultadonan di e invercionnan via e ‘trustfonds
Wederopbouw Sint Maarten’, financia pa Hulanda y maneha pa ‘Wereld Bank’, ta bira mas
visibel. E cantidad total di e proyectonan di e ‘trustfonds’ tabata mas cu $443 miyon na fin di
2023. Un total di 12 proyecto a ricibi cen for di e ‘trustfonds’ den 2023. Tambe ‘Wereld Bank’
a habri un oficina local na Sint Maarten na 2023, locual ta permiti e Banco pa traha mas
efectivo ainda.
Reino completo: Programa di Pasado di Sclavitud y Fondonan di Colaboracion Caribense
Dia 1 di juli 2023 a cuminsa cu e aña di conmemoracion di pasado di sclavitud. Den estrecho
colaboracion cu e islanan, Aruba, Boneiro, Corsou, Sint Maarten, Saba y Sint Eustatius a
organisa un conmemoracion riba 1 di juli. Na cada isla tabatin un persona di gobierno
presente. Riba 3 di october, secretario di estado Alexandra van Huffelen a declara na
nomber di e estado hulandes cu Corsou a rehabilita e heroe di libertad y resistencia Tula. A
transferi archivonan di pasado di sclavitud pa Archivo Nacional di Aruba. Aki nan ta bai sigui
cu e proseso pa scan e archivonan cu manuscrito antiguo.
E ministerio di BZK a contribui cu 0,5 miyon euro na e programa nobo ‘Samenwerkende
Fondsen Cariben’ di Oranjefonds pa iniciativanan social den e parti caribense di Reino. E
programa ta dirigi riba iniciativa cu ta yuda famianan den circunstancia vulnerabel.
Organisacionnan social riba e seis islanan por haci uso di e fondo.
