Riba 15 mei 2024, James Finies lider di Pueblo Progresivo Uni, huntu Davika Bissessar di Bonaire Human
Rights Organization I Movemento Pa Kambio eksistosomente a konklui un seri dinamiko di
konferensianan, presentashonan, reunionan I kompromiso ku media atravez di Oropa. Su organisashon,
Bonaire Human Rights Organization , impulsa pa e mishon “Bonaire Lives Matter” a embarka riba un
trajekto transformativo luchando pa derechonan humano I prinsipionan demokratiko.
Durante nan gira Oropeo, Finies I su team a reuni ku Sr Ady Thijsen, Minister Plenipotensario di Aruba na
Hulanda, a kompremete su mes ku e diaspora di ex- Antia Hulandes, I inklushon di BHRO komo miembro
di Desendientenan di Hendenan Afrikano Oropeo su Rountable Oropeo I tambe di Global Strategic
Ligitation & Advocay Network I entrevistanan ku varios medio di komunikashon, inkluyendo e famoso
Pika Pika Talkshow, Mart Radio di Hulanda, Afro Magazine I korantnan na Geneva. Atravez di e
interakshonan aki nan a ekspone e varios violashonan di derechonan humano ku ta sosediendo na
Boneiru I nan abogasia pa Boneiru wordu inklui riba lista di Teritorionan Sin Propio Gobernashon di
Nashonan Uni.
Den un momento historiko James Finies a firma karta di rekomendashon huntu Ambassador David
Comissiong di Barbados na CARICOM na Forum Permanente di Hendenan di Desendensia Afrikano na
Geneva, Suisa, urgiendo e inklushon di dekolonisashon di e resto di teritorionan Karibense komo
prioridat den e agenda pa e proksimo dekada. Adishonalmente e la reuni ku figuranan distingui manera
Profesor Verene Shepherd, Presidente di e Komite pa Eliminashon di Deskriminashon Rasial di Nashonan
Uni I Dr. Barbara Reynolds, Presidente di Grupo di Trabao di Ekspertonan riba Hendenan di Desendensia
Afrikano, asina fortalesiendo mas aun e esfuersonan pa hasi e kaso di Boneiru konosi na mundu.
Sr Finies su dedikashon pa transforma Boneiru den un luga di paz pa e pueblo ta evidente. Apesar ku e
populashon lokal ta agotando I falta di liderazgo pa atende e problemanan kritiko, inkluyendo
akusashonan di korupshon kontra lidernan lokal, Finies ta sigui desidido den su esfuersonan pa logra
hustisia I responsabilisashon.
E oportunidatnan signifikativo aki ta subraya e kompromiso solido di BHRO den promove derechonan
humano I prosesonan demokratiko riba eskala mundial. Atravez di su inkansabel lucha I partnershipnan
strategiko ,nan ta kontinua na promove e kausa di e pueblo marginisa Boneriano I lucha pa un kambio
positivo pa e pueblo di Boneiru I mundo kompleto.
