Pastoor Frank Daal ta pastoor di Good Samaritan Christian Center y ta den constelacion di ICA cu ta e iglesianan cristian Aruba unda cu un total di 40 iglesia ta hunto. Mayan ta un dia grandi y un dia decisivo di e norma y balornan pa Pais Aruba. E ley di matrimonio di mes un sexo ta keda trata den parlamento unda cu dos parlamentario hende muhe uno di fraccion di RAIZ ta psicologo , Lider di MAS ta trahado social y lider di accion 21 ta comerciante den comunidad di Aruba pero tur tres ta parlamentario representante di pueblo den e organo di mas grandi na Aruba y ta boga pa derecho igual y pa e ley di mes un sexo por pasa den parlamento di Aruba.
Kico realmente ta derecho igual? Banda di tur cos e personanan cu no ta desea esaki y of no tin e deseo pa nan y of nan yiunan ta involucra cu personanan cu si ta stima mes un sexo pero ta obligando e grupo di ciudadanonan aki contra di nan boluntad pa trata e grupo di LGBT cu e derecho di nan como “Amor ta pa tur hende” indirectamente ta obligando y forsa pa acepta algo cu no tin deseo di dje y na mes momento ta trapa nan norma y balornan. Un Psicologo-trahadosocial y comerciante ta tras y causante di e cambio drastico di miles di cambionan cu lo bay tin na caminda pa Aruba y tur su consecuencianan su tras, trapando riba derecho di otro y respet y norma y balor di un comunidad.
Sinembargo e amor cu nos mester tin no ta pa e ser humano , pero pa DIOS e mester ta y ta importante pa sigui e norma y balor y e 10 mandamento nan di DIOS cu den e caso aki tambe ta wordo trapa cu e ley di mes un sexo. Hopi ta papia di respet pa otro , pero na momento cu ta pusha y trece tur argumento y pusha algo cu un otro no kier ta trapa riba derecho di e otro ciudadano tambe.
E ley di matrimonio di mes un sexo un problema un discusion contradictorio un ehempel di Europa cu islanan den Caribe ta wordo afecta cu ne y no necesariamente tur loke ta bin di Europa Aruba mester acepta y pone e manta di e ta un derecho y mester respeta otro. Sinembargo no ta un secreto cu e realidad ta diferente na momento cu ta papia di echos. E grupo di LGBT ya caba por “casa bou di e mes un derechonan como matrimonio den un geregistreerd partnerschap” pero tog kier trapa riba e derecho di e grupo cu no ta desea esaki pa wordo haci den un iglecia.
Pastoor Frank Daal ta kere firmemente cu Matrimonio ta un palabra sagrado y norma y balor ta e base esencial di un bon samaritano. Segun pastoor Frank Daal DIOS su creacion ta mane un tata over na yiunan y semper lo purba orienta e hende pa cana den su direccion. Amor ta fundamental pa DIOS y e mester ta den un forma di relacion y DIOS kier pa nos tur conoce y stime. Sinembargo e comunion aki a bay perdi na momento cu e serhumano a dicidi di peka, E serhumano mes a scoge pa peka y aki tin un distancia entre e serhumano cu DIOS cu awe hopi di nos ta biba cu ne.
Sinembargo DIOS a pone un brug pa e serhumano yega na dje bek y e no ta un brug di metal , pero un persona cu yama Hesucristo y a coste su bida pa por a construi e brug ey manda su unico yiu y pone e brug ey pa salba nos como hende.
E grupo di pastornan tin un tarea grandi di manda e advertencia di loke ta trata e ley di mes un sexo. Nos mester ta bon cla si un persona ta criente of no nos ta un creacion di DIOS y ningun hende no a bin di otro galaxcia y no a bin di otro cos, pero nos tur ta un creacion di DIOS y nos mester respeta esaki, pero lamentablemente e respet a bay completamente perdi y ta birando pio tur dia.
E pregunta grandi ta si e tres parlamentario nan aki lo para responsabel pa tur e cambionan cu e Pais lo bin cu ne na momento cu e ley di matrimonio di mes un sexo aki pasa. Aruba ta cla pe? Generacionnan ta cla pe? Of ta un grupo minimo den sociedad ta boga pa un cambio drastico na Aruba. Esaki ta un bista cu parlamento y gobierno tampoco tin debi cu no a haci un referendum y parlamento di Aruba no a traha adelanta pa percura di drecha e ley di referendum pa por haci e referendum y pa por tin un bista real di loke ta biba den sociedad y deseo di e pueblo di Aruba realmente. Kico lo para den parlamento malo of bon e lo trece un desaroyo nobo di pensamento y dignidad di humano.
