Tur e islanan den Caribe tin problema cu ilegalidad, personanan indocumenta, personanan iregular con cu ta desea di dune un nomber, echo ta cu nan a comete algo contra ley y a viola e ley di un Pais.
Un persona sea cu ta bin via boto of drenta como turista y no ta sali bek y ta traha y ta keda biba pa varios aña riba e Pais e la viola e ley di e Pais.
Miembro di parlamento di Corsou Fergino Brownbill cu ta miembro di comision di Husticia ta duna di conoce cu e personanan cu ta ser mira como personanan iregular ta desafionan cu tur Pais cu ta den Caribe tin, pero Latino America tambe tin e mes un situacion.
Sinembargo den e reunionnan di Parlatino ta puntonan cu ta hiba discusion na dje continuamente, consecuentemente pa Corsou ta mira con grandi e peso ta riba salud publico di e Pais. Den combersacionnan cu Hospital por a tuma nota cuanto e la pisa den cifra cu Pais Corsou mester a paga y e grupo di ilegalnan cu no ta contribui na nada na e Pais y desde cu nan a drenta Corsou ta causa daño so.
Ta papia aki di miyones nan cu mester a bay na hospital di Corsou. E echo cu tin un cantidad grandi di ilegalnan na Corsou unda cu nan conscientemente a dicidi di inmigra den un forma ilegal na Corsou, consecuentemente no ta contribui na nada di e Pais y den mayoria caso no ta cumpli cu e rekisitonan cu por bini na remarca na un permiso y ta pone tambe cu no por tin seguro. E situacion aki cu e ilegalnan ta bin haci na Pais Corsou tin consecuencia serio riba salud publico di Corsou.
Di parti di Parlamento di Corsou actualmente ta pushando pa Sra. Maria Nita cu ta forma parti di fraccion di MFK den parlamento atende cu e parti aki y ta esun cu ta para keto mas tanto cu por den e aspecto di ilegalnan na Corsou , teniendo cuenta cu e peso cu esaki tin pa Pais Corsou, pero mas aleu ta para keto tambe debi cu ta trata aki di serhumano y cu nan tambe merece e atencion , pero e mester sosode di un manera cu e Pais por carga y cu cada un di e ilegalnan mester cumpli cu e procesonan cu tin hancra den e ley nan di Pais Corsou.
E situacion di ilegalnan ta un desafio y dificil pa Pais Corsou pero lo keda traha riba kico lo por keda haci concretamente pa e ciudadanonan cu ta bin cu e intencion pa keda Corsou ilegalmente y ta crea y daña full un sistema di un Pais.
Den e reunionnan na Parlatino por mira e helicopter vieuw hopi mas miho unda cu ta mira con cada Pais ta atende cu e situacion di personanan cu no ta respeta ley di un Pais y e efectonan cu e operacion di ilegalidad ta trece pa un Pais ta grandi.
Sinembargo na Hulanda tambe ta trece e topiconan aki y Hulanda ta kere cu e islanan den Caribe cu ta parti di Reino Hulandes mester atende cu e situacion di ilegalidad diferente, pero na mes momento mester tene cuenta cu e aspecto financiero pa e no pisa riba e caha di e Paisnan.
E mensahe pa tur e personanan indocumenta y cu e drenta e Pais cu e intencion den nan cabes pa a keda sin bolbe nan Pais ta pa nan ta consciente cu na Corsou mester cumpli cu ley y regla di e Pais. E echo ta cu cada un di nan cu ta sin documento riba Corsou conscientemente nan sa cu nan ta haciendo algo robes y gobierno di Corsou , pero sigur Miembro di parlamento di Corsou Fergino Brownbill no ta para pa algo cu ta robes.
