Actualmente tin un tendencia na momento cu un persona scucha e palabra “abuso “ tin comentarionan unda cu e otro persona nan ta husga y ta expresa cu e persona ta negativo. Segun Neuropsycholoog Drs Melva Croes Yanez hopi hende tin miedo di papia tocante di abuso y hasta tin hende tin miedo di pensa di abuso. Sinembargo Abuso semper a existi, pero solamente cu den e epoca aki e ta birando mas detaya.
Hopi abuso ta keda haci abiertamente, por wak esaki riba medionan social por mira cu abuso ta tuma luga, pero asina e abusado ripara cu e persona e ta cuminsa bira chatiger. Aki ta caminda cu ta mira cu abuso nunca lo no kita completamente paso un mundo sin abuso no lo existi.
Segun Neuropsycholoog Drs Melva Croes Yanez e abusador ta bay man den man cu e problemanan di poder. Hopi biaha un hende ta eherce su poder y ta haci e abuso, y si e tin hopi poder riba su victima esey ta hacie mas fuerte cu su victima.
E scenarionan aki ta mire tur caminda na momento cu papia di dje e persona ta bira defensivo y hopi biaha nan no kier mira e problema cu nan propio wowo. E actitud cu e hende nan aki ta tuma ta un parti di ta hipocrita y hasta ta sconde si por y esun cu papia di dje lo por wordo mira como un abusado.
Hopi biaha e tipo di weganan aki ta wordo hunga paso hopi hende tin gana di hunga kaka di sconde debi cu ningun hende no kier confronta e berdad. Ta importante pa comunidad ta alerta ora cu bo mira algo cu bo no ta sinti bon aden, pero wak bon kico e ta prome paso no por conta tur cos como un abuso.
