Nos ta bibando den un tempo caminda hende kier haci locual cu nan kier, hende a perde temor di Dios, orguyo y arogancia ta persisti , pero hopi hende ta lubida locual e palabra di Dios ta bisa;
Pasobra e furia di Dios ta keda revela, for di cielo,contra tur impiedad y inhusticia di hende,cu ta
oprimi e berdad pa medio di inhusticia.
Pasobra loke ta conoci tocante di Dios,ta manifesta den nan: pasobra a haci esaki conoci na nan.
Pasobra desde creacion di mundo,Su atributonan invisibel, Su poder eterno y naturalesa divino, a
wordo mira claramente, siendo comprendi door di loke a wordo traha, asina cu nan no tin excuus . (
Romanonan 1:18-20).
Y mescos cu nan no a haña necesario mas, pa reconoce Dios, Dios a entrega nan na un mente
perverso, pa haci cosnan cu no ta cumbini( Romanonan 1:28-32).
Pa nos comprende esaki cu Dios tin poder pa entrega hende cu no ta tene cuenta cu Su palabra, hende cu no kier reconoce cu E ta Soberano y cu mester respeta Su Palabra, na un mente perverso ( Corupto, inmoral, abominabel ) pa haci cosnan cu no ta cumbini.
Pesey Hesus a yega di bisa: Esun cu rechasa Mi, y no ricibi Mi palabranan, tin un cu lo husg’e: E
palabra cu Mi a papia,esey lo husg’e den e ultimo dia.( Juan 12:48).
Pasobra mi a yama y boso a nenga, mi a saca mi man, y ningun hende no a haci caso. Ma boso a
neglisha tur mi conseho y no tabata kier mi reprendemento, tambe lo mi hari boso calamidad, lo mi
haci bofon ora miedo bin riba boso.( Proverbionan 1:24-25-26.
E bobo a bisa den su curason cu No tin Dios. Nan ta corumpi y a comete,inhusticia abominabel.No tin
ni un hende cu ta haci bon.( Salmo 53:1).Tin caminda cu ta parce bon den bista di hende, ma su fin ta caminda di morto.( Proverbionan 14:12). Desobedencia na Dios y ignora Dios por causa hopi problema pa hende: Mi pueblo ta wordo destrui pa falta di conocemento.Pasobra bo a rechasa conocemento, Ami tambe lo
rechasa bo di ta mi saserdote. Como bo a lubida e ley di bo Dios, Ami tambe lo lubida bo yuinan. Mas
nan a multiplica, mas nan a peca contra Mi, lo Mi cambia nan gloria den berguensa.( Oseas 4:6-7).
Boso adulteranan, boso no sa cu amistad cu mundo ta enemistad cu Dios. Pesey ken cu kier ta amigo
di mundo ta haci su mes enemigo di Dios.( Santiago 4:4).
Mira pa boso no rechasa Esun cu ta papia. Pasobra si eseynan no a scapa ora nan a rechasa esun cu a
spierta nan for di riba tera, cuanto menos nos lo scapa, si nos bira bay for di esun cu ta spierta nos for di cielo.( Hebreonan 12;25).
Pesey mi kier pa hombernan di tur lugar haci oracion, hisando mannan santo, sin rabia y sin pleito.( 1
Timoteo 2:8). No ta cumbini ningun hende purba haci bofon di Dios, ni tampoco chercha Dios.Pasobra e palabra di
Dios ta bisa nos claramente:
Pesey considera e miembronan di boso curpa terenal. como morto pa inmoralidad, impuresa,pasion,
deseo malo,y golosidad cu ta igual na idolatria.
Pasobra ta pa motibo di e cosnan aki cu e furia di Dios, lo bin riba e yuinan di desobediencia,(
Colosensenan 3:5-6).
Pesey samina boso mes y wak si boso ta den fe,samina boso mes.( 2 Corintionan 13:5).
Ta un gran peliger ora nos ta ignora Dios, y no ta tuma Su Palabra na cuenta.
Sinceramente, Pastor Marcel Balootje.