Trahado Preventivo Fundacion Respeta Mi Michelin Mathurin ta haci un yamada na comunidad di Aruba pa participa na nan actividadnan pa conscientisacion riba maltrato di mucha. E parti di abuso fisico Fundacion Respeta Mi ta biniendo den e parti alternativa. Sinembargo esaki no ta solamente pa e mayornan pero pa henter e comunidad. Segun Trahado Preventivo Fundacion Respeta Mi Michelin Mathurin como comunidad nos tin e responsabilidad di educa nos muchanan.
Segun Trahado Preventivo Fundacion Respeta Mi Michelin Mathurin si nos ta bisa como comunidad cu e muchanan ta nos futuro, mañan e ta cuminsa na cada un di nos. Esaki ta significa cu nos ta papia di mama, tata, docentenan, profesionalnan, omo, tanta nos tur como comunidad.
Mester ta bon cla cu Fundacion Respeta Mi no t’ey pa husga ningun mayor pero mas tanto pa yuda cada un di nos yega na un miho guia y disciplina pa e yiunan y tambe un respet mutuo na ambos banda. Fundacion Respeta Mi t’ey y no pensa nunca cu bo ta bo so, semper Fundacion Respeta Mi lo tey pa yuda.
Fundacion Respeta Mi tin algun aña ta trahando cu centro hoben y famia cu tambe ta forma parti di departamento di asuntonan social.
Dia 8 di April lo tin workshop di Keep Your Cool na ATIA building, Dia 9 lo enfoca riba profesionalnan manera cabesante y trahadonan social na EPI, dia 12 di april tin e campaña di blue wiel unda cu lo cende luz na bestuurskantoor di 6or pa 7 or di anochi den colaboracion cu gobierno di Aruba y otro fundacionnan, dia 17 di april lo tin e mes un actividad di Keep Your Cool cu lo ta na St Cruz, dia 24 tin actividad di Keep Your Cool na centro di bario Lago Higths y dia 29 di April lo ta den ban caya cu lo tuma luga den caya San Nicolas.