Universidad di Aruba ta anuncia un sesion informativo riba diahuebs, 4 di april, 2024, pa introduci studiantenan prospectivo na nan Master’s of Business Administration Program.
Elevating Careers, Empowering Leaders
E programa di MBA ta pa dos aña y ta diseña pa transforma y acelera e trayecto di carera di profesionalnan experiencia. E part-time MBA aki, estableci den e Faculty of Hospitality and Tourism Management, ta traspasa e fronteranan di e sector di hospitalidad, empoderando studiantenan cu capacidadnan esencial riba nivel ehecutivo pa liderazgo den e panorama profesional di negoshi di awe.
E programa di MBA ta un colaboracion extendi entre Universidad di South Carolina (USA) y Universidad di Aruba cu a wordo rediseña na 2024. Desde 2008, cada dos aña e programa ta habri su portanan pa un grupo nobo di studiantenan, atrayendo interes di profesionalnan cu ta desea pa avansa nan carera.
E curiculum ta cultiva dominio den business fundamentals, analytical thinking, strategic decision-making, self-awareness, y innovative strategies, posicionando studiantenan pa exito den nan industria. E alumna di e programa di MBA ta representa un variedad di experiencia profesional, incluyendo den sector priva y publica, y alabes entrepreneurs.
Tumando na cuenta cu cada dos aña e demanda ta supera espacionan disponibel, nos kier encurasha studiantenan prospectivo pa asisti na e Sesion Informativo. E facultad di e programa di MBA lo ofrece insights tocante e proceso di aplicacion, contenido di e programa, beneficionan, expectativanan, y rekesitonan di aplicacion. Alabes, e ta un oportunidad pa topa cu algun di e profesornan, dunando un bista mas cerca di e ambiente academico.
E Sesion Informativo lo tuma lugar riba diahuebs, 4 di april, 2024 cuminsando for di 7:00 PM y lo tuma lugar den Classroom A na edificio principal di Universidad di Aruba. Pa inscribi na e Sesion Informativo, bishita https://forms.gle/45g8X8ATN2gzziiT6. Y pa mas informacion tocante e programa, porfabor manda un e-mail na e facultad na fhtms@ua.aw.
No perde e oportunidad aki pa eleva bo carera cu oportunidadnan avansa. Join nos riba 4 di april y cuminsa un journey transformativo pa excelencia den liderazgo.
