Ta un gran dolor pa mira con hende grandi, cu conoce e berdad, den nan sano huicio, ta rechasa y haci bofon di e palabra di Dios, pa haci locual ta cumbini nan.
Sin ningun temor di Dios ta sigi persisti, den maldad, inmoralidad y malicia, capricho y duresa di curason ta manifesta publicamente tur dia.( Romanos 2:5).
Ta parce manera nan tin un contract cu maldad y inmoralidad, cual ta primi nan pa cumpli, enbes di arepenti y aparta for di cosnan cu no ta agrada Dios.
Ta manera un deporte pa wak ken tin mas curashi pa bay contra palabra di Dios, ken por tenta Dios mas tanto, pasobra ora hende ta bay contra palabra di Dios, no ta contra bo prohimo bo ta, ni contra ningun organisacion, pero contra Dios mes, pasobra Dios mes lo defende su palabra treciendo su furia riba yuinan di desobedencia.( Colosensenan 3:5-6).
Pasobra Dios a stima e mundo asina tanto cu E a duna Su Yiu unigenito pa ken cu kere den dj’E no bay perdi ma tin bida eterno.( Juan 3;16).
Ta para scirbi den e buki di Revelacion 21:8 : Ma e corbardenan, y e incredulonan, y e abominabelnan, y e malbadonan,y e fornicadornan,y e hacidornan di bruha,y e adoradornan di Dios falso,y tur gañador nan parti lo ta den e lago cu ta kima cu candela y swafel, cual ta e di dos morto.
Dios ta duna oportunidad pa scohe na unda un persona mes kier bay, E ta presenta bo e caminda di berdad y bida cual ta Cristo Hesus, pa bo sa cu esey ta e unico caminda berdadero,pero hopi ta scohe pa caminda di engaño.
Mescos cu Cristo a sembra e bon simia den e mundo, cual ta e yuinan di e reino, e enemigo cual ta e diabel a sembra e yerba shimaron cual ta e yuinan di e malbado.
Y awor den e tempo aki nos tur por mira manifestacion di e yuinan di diabel,pasobra locual ta para scirbi mester cumpli, pa asina Cristo Hesus bin busca su pueblo y esnan cu no a kere y cu a haci bofon y haci cherchi si nan no arepenti lo termina den fierno. ( Mateo 13;37-43).
No ta nada nobo con diabel por cohe hende sabi haci nan bobo, pa asina nan bay perdi den fierno.
Den buki di Genesis capitulo 6: 5 nos ta mira esey y con Dios a destrui mundo cu diluvio, pero solamente Noe y su famia por a drenta e Arca.Den Genesis Capitulo 19 Dios a destrui, Sodoma y Gomorra y a manda angelnan pa saca Lot y su famia, pero no ta tur tabata den obedencia.
Pasobra na prome lugar mi a duna boso loke mi tambe a ricibi, cu Cristo a muri pa nos picanan segun e Scrituranan.E a muri y a wordo dera,y cu e a wordo lanta riba e di tres dia segun e Scrituranan ( 1 Corintionan 15:3-4).
Tempo trabahoso, hende a bira rebelde y no kier tende di Dios, hende ta bende nan mes den mundo di promesanan falso y engaño satanico.
Hende ya no kier para firme mas pa e palabra di Dios, nan ta prefera placa y posicion y ta lubida riba homber nan grandi di Dios manera Daniel cu no a importe bay den cueba di Leon, pero Su Dios mester wordo respeta.( Daniel 6)
Ta hopi scuridad tin ta draai rond pero tur hende mester corda cu Cristo Hesus a muri pa nos tur.
No tin nada pa cambia esey , ta un berdad tin.
