Direktiva di Movementu Futuro Kòrsou (MFK) a tuma nota di deklarashon den Parlamento relashoná ku uzo di supstansia prohibí durante di un biahe di trabou di algun miembro di Parlamento.
Den pasado tambe e tipo di akusashonnan aki a yega di bin dilanti den Parlamento i direktiva di MFK na dos okashon den pasado a instruí su miembronan den Parlamento pa hasi un test di
droga.
E resultado di e dos tèstnan aki di tur e miembronan ku e tempu ei tabata den frakshon pa MFK, a sali negativo i e resultadonan a wòrdu publiká.
Kontinuando ku konsistensia den nos maneho komo organisashon polítiko, direktiva di MFK a instruí tur su Minister i Parlamentarionan pa djaweps 28 di mart, pa nan presentá na laboratorio
pa hasi e test di droga.
Asina e resultadonan ta kla, MFK lo laga publiká e resultadonan.
Ta importante pa tur organisashon polítiko ku tin representashon den Konseho di Minister òf den Parlamento hasi e test aki pa mustra pueblo di Kòrsou, ku su Minister i Parlamentarionan ta “Drug-Free”.
