Por vota te ku 20 di aprel 2024
Ku orguyo Tourism Corporation Bonaire (TCB) ta anunsiá ku Boneiru a keda nominá pa Caribbean Green Awards 2024.
Nan a nominá Boneiru den kategoria di ‘Destinashon Bèrdè di Aña’, miéntras Coral Restoration Foundation Bonaire i STINAPA a haña nominashon den Marine Conservation Award.
Caribbean Journal ta otorgá e premionan akí i nan ta un rekonosementu pa e ‘Movementu Bèrdè’ den área karibense, un region kaminda e palabra bèrdè tin un nifikashon inkreibelmente profundo. For di resiliensia di klima te esfuersonan pa mantené sostenibilidat, nunka ántes bèrdè no tabata asina importante den e region akí, i pa e motibu akí nan a lansa Caribbean Green Awards di nobo.
“E echo ku Boneiru ta asina haltu notá entre e nominadonan pa Caribbean Green Awards ta reflehá nos dedikashon inkansabel pa medio ambiente. For di refnan di koral bírgen te inisiativanan sostenibel, nos ta brasa e esensia di bida bèrdè. Vota awó i selebrá nos biahe na kaminda pa un Boneiru mas sostenibel,” segun Miles Mercera, direktor di TCB.
Votashon a kuminsá kaba i ta sigui te ku 20 di aprel 2024. Ta anunsiá e ganadónan riba Dia di Mama Tera, esta 22 di aprel 2024.
Nos ta enkurashá tur hende pa vota i kompartí e lenk akí: https://www.surveymonkey.com/r/9G2RPLP.