Palabra di Dios ta relata lo siguiente: Laga tur amargura, furia,rabia,griteria,calumnia,wordo kita for di boso,hunto cu tur malisia.Y sea cariñoso cu otro, misericordioso,pordonando otro, mescos cu Dios den Cristo tambe a pordona boso. ( Efesionan 4:31-32).
Ki ora cu boso ta para haci oracion, pordona si boso tin algo contra un hende, pa boso Tata cu ta den cielo tambe pordona boso, boso transgreshonnan. Ma si boso no pordona,boso Tata cu ta den cielo tampoco lo pordona boso trangreshonnan.( Marco 11:25-26).
Aspira pa tin pas cu tur hende, y santificacion, sin cual ningun hende lo mira Dios.Mira pa ningun hende no keda sin alcansa e gracia di Dios, pa ningun rais di amargura no spreit y causa problema, y door di esaki hopi wordo contamina. ( Hebreonan 12:14-15)
Stop di rabia y laga furia para, no consumi, esey ta conduci na maldad so. Pasobra hacidornan di maldad lo wordo kita afo, ma esnan cu ta spera riba Señor lo hereda e tera.( Salmo 37:8-9).
Comprende esaki, mi rumannan stima. Tur hende mester ta lihe pa tende, no lihe pa papia, y no lihe pa rabia, pasobra rabia di hende, no ta produci husticia di Dios. ( Santiago 1:19-20).
Wak cuanto problema, discucion, violencia, divorcio, hasta morto , rabia y falta di pordon por causa.
Imagina bo, door di emocion y sensualidad, un hobencita ta sali na estado, pero despues ta keda proba cu e hoben cu a dune e yiu no ta para responsabel, pa su hecho descabeya, causando cu e hobencita ta rabia y ta tuma e decision cu nunca mas e ta pordona , e no kier nada for di man di e tata iresponsabel.
Te asina leu cos a yega, y ta yegando tur dia. Parehanan cu tabata den un matrimonio bunita, despues cu diabel a tumba nan den tentacion di adulterio, ta bira enemigo di otro. Y mas cu esey un ta ninga otro e derechi di wak yui , usando e yuinan stima como arma di vengansa fisico y mental contra otro.
Division den famia pa motibo di placa y propiedad, ta causa cu hende ta prohibi cierto di nan propio famia, pa presenta na cas of hasta na nan entiero, asina leu rabia y falta di pordon por yega.
Ruman ta hiba ruman dilanti di hues, y ta purba di tur manera di perhudica otro mas tanto cu ta posibel.
Pa motibo di rabia y falta di pordon, propiedad ta bay perdi, pasobra hende ta prefera di venga otro, y hopi biaha pa un cos cu ningun di nan a inverti personalmente den dje.Ta nan mayornan of antepasadonan a haci esey.
A keda proba cu rabia y falta di pordon ta aumenta, risico pa depresion, atake di curason, diabetis etc, etc,Hopi hoben cu ta biba un bida di alteracion constante, den discucion,pelea,alcohol, droga, baymento sera, nan mes no sa con nan ta daña nan salud.
Pesey awendia bo ta haña hopi di nan cu tin problema cu presion, riñon,curason, pa motibo di e bida cu e enemigo tin nan gara den dje, y si nan no arepenti y aparta di e cosnan ey, entregando nan bida na Cristo Hesus e consecuencia lo ta hopi grave pa nan mes.
No ta pornada e pa palabra di Dios ta bisa, cu si nos no pordona ( Mateo 6:14-15) Dios tampoco lo pordona nos. Tambe e ta bolbe ripiti kico lo pasa cu esnan cu no ta pordona di curason (Mateo 18:35) especialmente esnan cu no kier laga los y kier sigi cu bida di vengansa.
Dios tene misericordia
