Minister di Medio Ambiente Ursell Arends tambe a tuma nota di e activistanan cu a bin protesta na e acto protocolario dia 18 di Maart riba Plaza Betico Croes. E mandatario ta di opinion cu nos ta biba den un estado di derecho unda cu tur hende tin e libertad di expresa nan mes.
Segun minister Ursell Arends su mes persona tin amor pa naturalesa y semper ta para banda di naturalesa y na mes momento ta respeta nan forma di protesta, pero esey no kiermen cu nos mester tin diferencia di opinion pero ta kere cu hopi ta wordo haci pa e tema di naturalesa y si kier sigui engrandece y haci mas pa naturalesa ta hunto nos mester haci esaki.
Segun minister Ursell Arends no por kere cu ta un tarea di gobierno so e ta pa soluciona tur cos, pero e realidad ta cu nos mester di sector priva, NGO’s, academia pa asina duna conocemento cu tin den exterior pa asina proteha nos naturalesa, pero tambe pa duna e naturalesa pa genera su mes.
Segun Minister Ursell Arends tur e cartanan cu a ricibi for di nan a pone cu a sinta cu nan tur for di inicio di gabinete wever croes. Den e reunion aki a splica cada un di nan cu nan no mester considera nan mes pafo di gobierno, pero considera nan mes como parti di gobierno y conhuntamente bin cu un plan y bin cu e ideanan pa asina hunto haci nan posibel. Pa loke ta trata e protesta di no more hotel ya caba a papia riba e tema aki na varios ocasion y ta comparti e opinion cu no por sigui crecemento economico y laga naturalesa un banda.