Celebracion di dia nacional 18 di Maart tabata uni bunita riba Plaza Betico Croes. Un mainta yena cu show bunita cu e muchanan a expresa y presenta dilanti di e mandatarionan na Aruba y tambe esunnan cu a bin di bishita tanto di Curaçao y Boneiro. Manera tur aña Minister di Cultura hunto cu su comisionnan ta prepara esaki y por mira cu nan a sa di organisa y pone un bunita presentacion padilanti. Gobernador di Aruba Alfonso Boekhoudt tambe tabata presente y por a gosa di e momentonan y e mensahe cultural cu a keda treci den diferente baile y poesia. Tambe tabatin marcha di diferente fundacion y organisacion cu ta talentonan cu Aruba tin. Nan a marcha y asina presenta nan mes y pa asina sa un poco mas di loke nan ta haci pa Aruba.
