Pa prome bes Universidad di Aruba ta organisando un actividad pa 18 di Maart

Universidad di Aruba ta invita henter e comunidad di Aruba na su prome evento, “Nos Patrimonio,” un celebracion di e herencia cultural di Aruba. E evento ta tuma luga riba dialuna, 18 di Maart, for di 10:00 AM te cu 1:00 PM, na e campus di Universidad situa na J.E. Irausquinplein 4.

Bishitantenan di “Nos Patrimonio” por spera un un dia yena cu actividad pa honra e arte, cultura y historia di Aruba di un forma ameno, incluyendo tour di e edifico y historia di Universidad di Aruba.

Ademas, “Nos Patrimonio” lo sirbi manera un plataforma pa celebra e talento y creatividat di artistanan local cu varios exhibicion di arte y session di live painting. Añadiendo na e ambiente, e evento lo inclui musica live cu vinyl y entretenimento di ganadora di Festival Un Canto Pa Aruba Su Himno Y Bandera. 

“Nos Patrimonio” lo ofrece un mercado vibrante unda book enthusiast por explora e mercado di buki Sagrado Secular. Mientras tanto, famianan por disfruta di kids corner cu dino jump y weganan di mesa. Sin laga afor, lo tin un bar y sushi bon surti pa tur e bishitantenan.

E programa di “Nos Patrimonio”:

Pa un dia di diversion, cultura, y coneccion, no ta perde e evento “Nos Patrimonio” di Universidad di Aruba! Explora e historia di nos Universidad, aprecia arte local, y disfruta di entretenimento pa tur edad. Bini, participa, y sinti bo orguyoso di nos patrimonio Arubano!