Den un manifesto extraordinario di talento y dedicacion, e delegacion di ARUMUN, consistiendo di studiantenan di De Schakel College, Montessori School y International School of Aruba, a sa di sali triunfante den “National High School Model United Nations”, NHSMUN 2024. Cual a tuma lugar di 8 di maart pa 11 di maart. E delegacion tabata tin e honor di ricibi e premio di “Excelencia den investigacion y preparacion” y tambe un distincion general pa nan trabou desplega. Asina aki ta logra marca un logro historico pa e delegacion pero tambe pa Aruba.
E exito remarcabel aki na NHMSUN 2024, cual tur dos premio ta ser gana pa e delegacion di ARUMUN ta ilustra un nivel academico incoparabel ariba nos isla.
Mester remarca, cu e exito di ARUMUN ta danki na e contribucion di e siguiente personanan:
- Maria Teresa Rodriguez, e lider di delegacion, y Paulina Sofia Perret-Gentil Van der Dys, a wordo reconoci cu un premio di excelencia pa nan particiapacion de e “United Nations Children’s Fund” (UNICEF)
- Matthias Helder cu a haci contibucionan significante mientras a enfoca ariba solucionan dentro di e “United Nations Economic Commission” pa Europa. (UNECE)
- Juan Andrés Rodriguez Cartaya a demonstra inovacion y a participa activamente den e “United Nations Peacebuilding Commission” (UNPBC)
- Sophie Camila Payares a ofrece collaboracion valioso, integridad y solucionan den “Convention on Migratory Species” (CMS)
E logronan di e studiantenan aki ta e simbolo di e dedicacion, estudio y preparacion di e delegacion di ARUMUN. Asina aki ta establece un standard nobo pa excelencia academico y e compromiso international di Aruba pa cu hobenan. “Nos ta sumamente orguyoso di nos studiantenan pa e logro remarcabel aki ariba un escenario mundial. Nan dedicacion na excelencia y nan compromiso pa adresa algun di e temanan mas urgente ta trese gran honor pa Aruba”, Maria Teresa Rodrigez, vocero di e delegacion di ARUMUN ta comenta. “E logro historico aki ta ilustra e futuro briyante di nos isla y e potencial di nos hobenan pa haci un impacto significante mundialmente.
E victoria di e delegacion di ARUMUN na NHSMUN 2024 ta sirbi como inspiracion pa locual por wordo cumpli atraves di traha duro, union, y e buskeda pa excelencia. E ta subraya e rol critico di enseñansa den crea ciudadania mundial y tambe e poder di nos hobenan pa contribui activamente den dialogo internacional y trese solucionan.
Pa mas informacion di e delegacion di ARUMUN, pa participa of mas logronan na NHSMUN 2024, por contact Maria Teresa Rodriguez +(297) 699 0562. maria,rodriguez@isaruba.com.
