Minister di Cultura Xiomara Maduro ta haci invitacion na pueblo di Aruba pa celebra nos cultura. E aña aki e slogen ta “Aruba orguyo di nos tur “ Nos tur ta orguyoso di nos pais, pesey e aña aki kier pone u accento special.
A habri luna di maart den gran forma unda cu a presencia festival di un canto pa Aruba su himno y bandera na unda cu por a mira tur e adultonan , pero tambe nos muchanan y nos hobennan a subi escenario y brinda un show hopi bunita pa e pueblo di Aruba. Minister Xiomara Maduro ta felicita y gradici fundacion di musica folklorico y tambe comision cu ta promove cultura pa organisa locual cu ta e festival un canto pa Aruba su Himno y Bandera cu a tuma luga na plaza Betico na un multitud grandi cu a yega hunto pa asina por scucha e canto pa nos Himno y Bandera.
Tin diferente actividad cu lo tuma luga rond di Aruba y ta haci e invitacio pa tur hende Sali for di cas y6 haci bishita na e eventonan aki. Dia 17 di maart ta bay tin manifestacion cultural , for di 6 or di atardi ta spera pa e publico ta presente pa por yega plaza Gilberto Fransua Betico Croes. E mandatario nan lo yega pa 7:30 y pa 8 or en punto lo cuminsa cu e evento. Tur hende ta invita pa ta presente y celebra dia di Aruba den e calor Arubiano riba plaza Betico Croes.
