Na cas di cultura a tuma luga un conferencia di prensa na unda cu ta presenta un audition pa e proyecto musical Crease. Directora di cas di cultura sra. Vicky Arends ta duna di conoce cu cas di cultura a ricibi e licencia pa por bin cu e obra Musical Crease pero cu por haci cambionan y bin cu talentonan netamente Arubiano, dus cu e obra lo tin tokenan Arubiano den dje.
Den luna di maart ta bay tin audicion nan , pa ta exacto dia 23 y 24 di maart. Importante ta pa tur e hobennan cu ta interesa pa nan inscribi mas pronto cu ta posibel. Esunnan cu inscribi lo mester prepara na mes pa presenta dos cancion y un monologo. E edad di e hoben ta 15 aña bay ariba y cas di Cultura tin 16 rol pa parti cu ta 6 homber y 6 muhe pero tambe tin un solo rol pa hende grandi.
Si bo ta un persona cu por canta bon, tin dominio di voz y tin un poco experencia den actuacion y baile ta importante pa solista. Tambe riba e dianan di actuacion lo wordo pidi pa haci un prueba di baile. Tambe cas di cultura tin su coach nan cu lo ta na encargo di e proceso bunita aki pa asina na december por presenta e proyecto un show cu toke local unda cu lo prepara nos hobennan pa duna un tremendo presentacion na december cu banda live. Esunnan cu ta interesa por tuma contacto na cas di cultura na 5821010
