Sue Ann Lee ta rector interino na Universidad di Aruba hunto cu Mieke de Droog . Actualmente Universidad di Aruba ta den un fase di transicion, despues cu rector di Universidad di Aruba a bay tanto Sue Ann Lee y Mieke de Droog cu ta rector interino na e momentonan aki. Banda di e responsabilidad aki tambe ta docente y ta duna les den e parti aki. Di e manera aki ta sigui guia e organisacion te na momento cu haya un rector nobo pa tuma e timon y sigui guia Universidad di Aruba den e siguiente nivel. E vacatura pa un rector nobo lo Sali pronto pa asina esunnan cu ta interesa por solicita pa asina por sigui den e proximo aña academico pa sigui eleva y traha riba e vision di Universidad di Aruba. Asina cu e vacatura habri tur hende tin e oportunidad pa aplica, esaki ta conta pa esunnan interno y tambe internacional cu kisas tin interes pa aplica y traha como rector na Universidad di Aruba.
Sinembargo no tin nada pa preocupa debi cu Universidad tin un direccion pa cana mirando cu a traha e plan hunto cu e stakeholdersnan unda kier mira Universidad di Aruba y a palabra esaki unda kier bay cu Universidad di Aruba como organisacion.