Presidente Joe Biden a prolonga pa un aña e declaracion di emergencia nacional riba Venezuela, pa e “amenaza” cu e ta representa pa “seguridad” y “politica exterior” di Merca, a informa e Casa Blanca.
Den e documento e ta denuncia “e erosion di garantianan di derechonan humano”, “e persecucion di opositornan politico, e restriccion di libertad di prensa, e uzo di violencia y violacion y abuso di derechonan humano den respuesta na protestanan anti-gubernamental”, “arestonan arbitrario di manifestantenan” y “e presencia cada biaha mas exacerba di un corupcion gubernamental importante”.
E circunstancianan aki “ta sigui representa un menasa inusual y extraordinario pa siguridad nacional y politica exterior di Merca”, segun e Casa Blanco.
Pa e motibo aki, Biden a dicidi di prolonga e decreto un aña mas.
Washington no ta reconoce e reeleccion di e mandatario Venezolano Nicolas Maduro na 2018 pa considera esaki fraudulento.
Venezuela ta bou di sancion Mericano. E gobierno di Biden parcialmente a lanta algun na fin di aña pasa den un gesto di bon boluntad despues di un acuerdo alcansa na october cu e oposicion, cu a fiha e eleccion presidencial pa e di dos semester di aña.
E dia di maart aki e Conseho Nacional Electoral (CNE), di liña oficialisa, a anuncia cu nan lo celebra nan dia 28 di juli, cu Maduro como candidato natural pa reeleccion y e oposicion contrae e ‘cuerdas’ cu su aspirante principal inhabilidad.
E levantamento di e inhabilidat di tur candidato pa e eleccionnan tabata otro di e rekisitonan di e acuerdo di october. I e gobierno di Biden ta acusa Maduro di no cumpli cune.
Ultimamente el a adverti Caracas cu si e no “cambia di rumbo” e lo impone sancion na e sector petrolero y di gas na april, manera ya el a haci na januari cu e minera estatal di extraccion di oro Venezolano.