E solushon presentá pa ENNIA kaminda ta hasi un kontinuashon ENNIA, ta loke MAN-PIN a indiká for di komienso pa asina salbaguardia penshun di penshonado pero tambe kupo di trabou. Banda di esei tambe nos ta kontentu ku e echo ku Banko Sentral tambe kontribuí mirando ku na nos opinion Banko Sentral tambe mester karga nan responsabilidat.
Durante tratamentu di moshon de parlamento Frakshon di MAN a trese un amienda kual ta pa Gobièrnu i Banko Sentral bende e portafolio di ENNIA na un invershonista sólido mas lihe posisbel i pa asina e fondo generá bai den fondo ku tin mester pa skapa penshun di e mas ku 25 mil penshonadonan.
Ku e benta di e portafolio aki ta nifika ku lo baha e preshon riba Gobièrnu lesa pueblo di Kòrsou di paga 30 mion pa aña. Kual e sèn aki por use den desaroyo di nos hendenan. Nos di MAN-PIN a keda firme den nos posishon pa yega na un solushon i nos a kontribuí pa yega na un solushon kaminda lo mínimo pueblo ta keda afekta.
Den otro Moshon Frakshon di MAN a sostené pa trese kambio den statuto di Banko Sentral kaminda ta fortifiká e tarea di supervishon riba instituto finansiero. Nos ta urgi Ministerio Públiko pa asumí responsabilidat i atende kehonan di 2018 i 2019 pa asina atende ku e kulpabelnan di e debakel aki.
NOTA
E solushon pa ENNIA ta similar na e solushon pa GIRO Bank kaminda Gobièrnu ta buska un solushon i di un manera of otro para garantia pa e depositantenan i den kaso di ENNIA hasi un kompromiso pa 30 aña largu paga 30 mion florin.
Esaki ta nifiká ku al final MFK a skohe e mesun kaminda ku Gobernashon anterior pa skapa aseguradonan.