E destakamentu di Marina na Sint Maarten ku hopi orguyo ta selebrá su 10 aña di eksistensha, un logro ku ta enfatisá e kresementu i dedikashon di e unidat, desde su establesimentu na 2014. E destakamentu di Marina ta un unidat ku ta kai bou di Komandante di Forsanan Naval den Region Karibe Hulandes. Despues di independensha di Sint Maarten for di 10-10-10, e Gobernador di e tempu ei Holiday i Minister di Defensa Hans Hillen a pidi un presensia militar permanente pa garantisá pas i seguridat riba Islanan Ariba, Saba, St. Eustatius i Sint Maarten.
Loke a kuminsá komo un unidat ku ta kambia kada 4 luna, a krese despues bira algu di ubikashon permanente pa 3 te 5 aña, pa medio di kua un presensia stabil i duradero riba e isla ta sigurá. E 10 aña di eksistensha di e destakamentu di Marina na Sint Maarten ta marka no solamente un periodo di despliegue operativo, pero tambe di kolaborashon i asosiashon ku sosionan di siguridat lokal huntu ku e komunidat. E marinirnan a desplegá nan mes pa diferente mishon humanitario tal manera asistensha di emergensia despues di orkan Irma i durante COVID-19. Ku esaki e destakamentu ta entregá un kontribushon balioso pa bienestar di e habitantenan di Sint Maarten.
E añanan benidero lo bai traha duru na un base kompletamente nobo ku mester ta kla na 2026. Esaki ta bira e akomodashon di tantu e Marinirnan komo Mareshosé ku tambe ta laborá riba e isla.
Komandante di e destakamentu di Marinir, Arie Noordam, huntu ku un Korporal ta mira atras riba e periodo ku a pasa i e trabou na Sint Maarten.
Lesa e entrevista kompletu via e lenk: https://magazines.defensie.nl/defensiekrant/2024/04/01_mariniers-sint-maarten_04
