Durante partido di Futbol entre Nacional vs Caravel ronda 16 Copa Betico Croes na stadion Frans Figaroa na Noord diripiente un parti di luznan a dal paga riba e atletanan. Ta tristo cu esnan responsabel sea cu nan no ta interesa pa mantene e luga nan of nan no tin e deporte na curason.
Tur momento ta papia di falta fondo , pero na momento cu haya fondo no ta haci e camionan tampoco. FFD ta encarga pa drecha tur veld , pero lamentablemente por mira cu e veld ta den mal estado, linjanan no ta poni na drechi, borchi pa por wak score asina un van blanco ta tapa tur bista, cosnan cu ta duidelijk cu esnan cu ta maneha no ta trata di drecha.
Ta di lamenta den pleno wega di Copa Betico Croes luz ta dal paga, mester drecha esaki pa asina e siguiente weganan por tuma luga. Manera un BON Arubiano semper ta warda cos kibra y bira pio pa por actua y no ta traha preventivo unda cu ta controla y mira si tur cos ta den ordo.
Fanaticonan a rabia y e deportistanan tampoco no a haya esaki bon. E situacion a pone cu mester a para e partido cu Nacional ganado 2 -0 Caravel, pero despues di basta rato a pone cu a para e wega y cancela esaki. Esaki ta e di dos partido cu ta para pa motibo cu tin problema den e sistema di coriente na stadion di Frans Figaroa ta serio.
Por a compronde cu FFD ta esunnan responsabel pa mantene e stadion lo busca pa wak si por resolve e problema aki durante dia pa asina wega nan cu tin cu tuma luga of lo mester tuma un desicion pa campeonato di Copa Betico Croes.
