BonaireFeaturedInternacional

Tourism Corporation Bonaire ta lansa un kampaña ku su partner di aviashon interinsular WINAIR pa mehorá eksperensia di biahe

Tourism Corporation Bonaire Ta Lansa Un Kampana Ku Su Partner Di Aviashon Interinsular Winair Pa Mehora Eksperensia Di Biahe

Tourism Corporation Bonaire (TCB) ta kontentu di por anunsiá lansamentu di su kampaña di mas resien, den kolaborashon ku su partner di aviashon WINAIR, pa sigui mehorá e eksperensia di biahe pa pasaheronan ku ta bula pa i for di Boneiru.

For di kuminsamentu di luna di yanüari te ku luna di mart 2024, pasaheronan na bordo di tur buelo di WINAIR por disfrutá di e parti mas ariba di nan stul ku un tema di Boneiru. E parti di  stul akí tin un bunita imágen di Boneiru su flamingonan riba dje i un QR-code ku ta kondusí e pasaheronan pa e wèpsait BonaireIsland.com, kaminda nan por haña mas informashon tokante Boneiru.

E buelonan di WINAIR ta ofresé opshonnan útil pa biaheronan pa i for di Boneiru. Tres biaha pa siman nan ta ehekutá buelo for di Boneiru pa Sint Maarten i for di Boneiru pa Kòrsou riba tur djamars, djaweps i djadumingu. 

E ret amplio di WINAIR ta konektá Boneiru ku 9 otro destinashon tambe, loke ta fortifiká su kompromiso pa yega na un konektividat sin interupshon. Ku WINAIR pasaheronan por eksplorá e siguiente destinashonnan: Antigua, Aruba, Dominica, Haïti, Saba, St. Barts, St. Eustatius, St. Kitts i Tortola.

Pa mas informashon tokante e skema di buelo di WINAIR, bai riba www.winair.sx òf tuma kontakto ku marketing@bonaireisland.com.

Tourism Corporation Bonaire Ta Lansa Un Kampana Ku Su Partner Di Aviashon Interinsular Winair Pa Mehora Eksperensia Di BiaheTCB ta anhelá pa yama biaheronan bon biní durante nan biahe pa i for di nos bunita isla Boneiru. 

Related posts

Ken ta wewe? E mascota di weganan Escolar 2022

EA News Author

Minister Maduro ta felicita tur participante y ganadonan di e festival infantil y hubenil di dande Masha danki pa biba nos Cultura di Fin di Aña

EA News Author

MFK kier trece mocion di desconfiansa pa minister di trafico, transporte y planificacion urbano di Korsou

EA News Author

Leave a Comment

Whatsapp Message