Aruba Hotel & Tourism Association (AHATA) a haci un contribucion na Stichting E Barco di Noah Kinderdagverblijf, y Siña y Crece Speelschool y Traimerdia cu un donacion di AFL 5000 pa cada centro di cuido.
E contribucion ta un continuacion di e esfuerzonan di AHATA pa mehora acceso na oportunidad laboral pa mas mayornan. Mirando e rol importante cu centro di cuido confiabel y responsabel ta hunga den esaki, e asociacion kier apoya e crechenan aki pa nan por reforsa e servicionan cu nan ta brinda.
Luna pasa a haci donacion na un creche na San Nicolas, y e siman aki a haci donacion na creche den Santa Cruz y den Seroe Patrishi. Tur dos centro ta oficialmente registra cu Departamento di Mucha y Hoben (DMH), e entidad gubernamental cu ta percura pa ehecucion efectivo di e Ordenansa Nacional Centro di Cuido di Mucha.
Stichting E Barco di Noah Kinderdagverblijf na Santa Cruz ta bou direccion di Izahaira Henriquez, mientras Siña y Crece Speelschool y Traimerdiata bou direccion di Mariën Lumenier. Cada uno tin varios aña ta brinda un ambiente sigur pa muchanan.
E donacionnan a wordo presenta pa Presidente & CEO di AHATA, Sra. Tisa LaSorte, durante un bishita na e crechenan, acompaña pa Beleidsmedewerker di DMH, Sra. Surella Croeze, y Beleidsmedewerker encarga cu liderasgo di DMH, Sra. Sue-Ann Ras.
AHATA ta contento di por conoce e centronan di cuido manera E Barco di Noah, y Siña y Crece cu ta atende y duna cuido na muchanana den un ambiente educativo y sigur cu pasion y dedicacion y cumpliendo cu Aruba su Ordenanza. E asociacion ta comprometi pa sigui apoya esfuersonan cu ta promove participacion den mercado laboral y bienestar general den nos comunidad.
