Entrante 1 di yanüari 2024 e preskripshonnan di e Dekreto temporal di 25 di mart 2022 relashoná ku redukshon di akseins Hulanda Karibense 2022, nr. 2022-104414 (Staatscourant Nr. 8683 di 28 di mart 2022), i tambe e Lei di 21 di desèmber 2022 pa kambio di algun lei di impuesto i algun otro lei (Belastingplan 2023) (Staatsblad 532) ta kaduká.
Konforme e preskripshonnan menshoná akí riba, e tarifa di akseins pa gasolin (MOGASS95) tabata USD 15,86 sèn pa hektoliter pa e periodo di 1 di aprel 2022 te ku 30 di yüni 2023. For di 1 di yüli 2023 te ku 31 di desèmber 2023 e tarifa di akseins pa gasolin (MOGASS95) tabata USD 23,86 sèn pa hektoliter. Reino no a inkluí e redukshon di akseins den e Plan di Impuesto (Belastingplan) BES 2024, di manera ku e tarifa di akseins pa gasolin (MOGASS95) for di 1 di yanüari 2024 ta bai bèk na USD 31,86 sèn pa hektoliter.
Esaki tin komo konsekuensia ku entrante 1 di yanüari 2024 ta adaptá e preisnan di benta pa kombustibel. E preisnan pa gasolin ta subi ku 8 sèn di dòler. Tur otro preis ta keda igual. E siguiente adaptashon regular di preis di kombustibel ta dia 12 di yanüari 2024.
Relashoná ku loke tin menshoná akí riba e siguiente preisnan di benta pa kombustibel ta keda na vigor desde 1 di yanüari 2024:
| Deskripshon di preis di benta por menor | Preisnan aktual | Adaptashon entrante 1 di yanüari 2024 | Diferensia di periodo den USD sèn / ltr | Diferensia di periodo den porsentahe | |
| Mogas95 (gasolin) | USD sèn / ltr | 130.00 | 138.00 | 8.00 | 6.15% |
| Gasoil (disel) | USD sèn / ltr | 122.00 | 122.00 | 0.00 | 0.00% |
| Kerosin | USD sèn / ltr | 108.00 | 108.00 | 0.00 | 0.00% |
| USD | |||||
| LPG 100 lbs | USD / sil | 51.50 | 51.50 | 0.00 | 0.00% |
| LPB 20 lbs | USD / sil | 11.00 | 11.00 | 0.00 | 0.00% |
Splikashon di e komponentenan di e tarifanan
| Komponente | Splikashon |
| Preis di kompra | Preis di kompra pa Curoil |
| Márgen di Curoil NV | Márgen di Curoil pa gastu di almasenahe i transbordo di Kòrsou pa Boneiru |
| Gastu di transporte CUR-BON | Gastu di Curoil pa transporte di Kòrsou pa Boneiru |
| Fuel supply guarantee | Provishon pa motibu di gastunan operashonnan di refineria na Kòrsou |
| Fuel supply guarantee2 | Provishon pa motibu di gastunan operashonnan di refineria na Kòrsou |
| Preis di kompra BON | E komponentenan menshoná akí riba kontá huntu |
| Márgen di Curoil | Márgen di Curoil pa distribushon di kombustibel na Boneiru |
| Akseins | Akseins |
| ABB | ABB |
| Márgen di OTB | Pago na e kompania di gobièrnu OTB |
| Faktor di korekshon | Faktor pa deskontá diferensia entre kalkulashon i realisashon di preis di kompra |
| Preis di benta por mayor | E komponentenan menshoná akí riba kontá huntu |
| Márgen di rebendedó | Márgen di doñonan di pòmp pa benta di kombustibel na Boneiru |
| Preis di benta por menor | E komponentenan menshoná akí riba kontá huntu |