Parlamentario Marvin Wyatt Ras tin preocupacion di loke a pasa ultimo na unda cu ciudadanonan di Venezuela ta scoge pa bin cu lancha Aruba y nan ta perde nan bida den e proceso aki. E ta un situacion delicado mirando cu e tin di haber cu e Pais Venezuela cu e gobierno no ta mucho rasona y nan tin nan pensamento nan y tin biaha e no ta cuadra cu e pensamento cu nos na Aruba tin. No ta desconoci cu tin hopi hende na Venezuela ta biba den un situacion asina malo cu nan kier bandona nan pais y tampoco nan no ta worry con nan lo mester Sali for di nan Pais pa por yega Aruba.
Tur e partinan aki Pais Aruba no tin control riba dje, pero loke cu Aruba si por tin control riba dje ta e parti di maneho. E maneho ta algo cu gobierno conhuntamente cu gobierno Hulandes ta atende, pero e decisionnan gobierno di Hulanda ta tuma nan pa loke ta trata frontera entre Aruba y Venezuela.
Den varios reunion di IPKO a keda atende pa trece un structura con e islanan lo mester atende y maneha cu ilegalidad riba nan isla. Sinembargo Hulanda mes no tin un structura y un maneho full cla con e ta y no tin un maneho cla riba ilegalidad. Personanan ta yega Aruba y nan ta pidi pa nan haya e verbijfvergunning , pero Aruba no ta dunando nan debi cu Aruba tin lasonan cu otro pais nan unda cu nos relacionnan di exterior ta Hulanda ta maneha esaki.
Segun parlamentario Mervin Wyatt Ras e ta un situacion dificil, pero nos no mester lubida cu derecho humano tambe ta conta y mester keda central, si tin algo ta pasa gobierno mester actua. Sinembargo keda bin via lancha ta un problema y ta costa bida di hopi hende, esaki no ta e manera adecua pa yega Aruba.
Sinembargo banda di e situacion aki ya caba tin un cantidad di hende cu e drenta Aruba y ta na Aruba ainda cu ta ilegal, pero nan ta traha e grupo aki parlamentario Mervin Wyatt Ras ta kere cu e situacion aki no ta Aruba so tine, pero tur pais rond mundo tin e problema aki y ta man na cabes cu ilegalnan. Hulanda tambe tin e problematica aki y e no ta un problema facil pa por yega na un conclusion of duna un contesta riba dje.
Parlamentario Mervin Wyatt RAs ta kere cu e situacion aki ta algo cu mester keda papia di dje cu cautela, pero semper bay nos mester tene na cuenta kico ta e bienestar di Aruba paso Aruba o ta grandi tampoco.
Gobierno nan mester sigui di tin deliberacion riba e topico aki. Tabatin un tempo cu Venezuela mes a tuma e decision di cera nan frontera cu Aruba y Aruba no tabata por a trece fruta y berdura for di Venezuela mas. Despues di esey Aruba a cera e frontera y a bisa e ora cu e Venezolanonan tampoco no por bin Aruba mas, esaki ta un parti cu tog mester tene cuenta cu e relacion entre e pais nan prome cu cualkier decision.