Parlamentario Mervin Wyatt Ras ta preocupa riba e diferente efectonan di medidanan cu a bin ultimo pa e pueblo di Aruba. Loke cu ta un realidad ta cu si costo di bida ta caro y nos ciudadanonan tin problema y nan mester traha diferente trabaonan y placa no ta yega, e situacion ta conduci tambe pa problemanan social.
Na momento cu e situacion bira critico asina ta haya cu mayornan ta bay pleita cu otro y ta haya efecto riba e muchanan. Ta bira un situacion den cas na unda cu e muchanan no tin suficiente cuminda pa come unda cu esaki ta afecta nan salud y ta trece problemanan tambe, esaki kiermen e decisionnan cu ta wordo tuma unda cu tin mas medida pa e comunidad e tin su impacto pa tur hende cu ta biba na Aruba.
Tambe loke cu por a tuma nota ta cu tabatin un crisis plan cu a keda introduci, a puntra riba e gasto di e departamento aki , pero te ainda no a ricibi un contesta. Asina parlamento por haya un bista cuanto placa a inverti den cua proyectonan y kico ta e resultado di e proyectonan aki. Sinembargo te ainda no a haya contesta concreto di e gastonan aki cu a wordo haci y na mes momento ta na altura cu tin cierto instancianan no a ricibi suficiente ayudo y cu nan ta pasa duro pa nan por logra nan metanan. Segun parlamentario Mervin Wyatt Ras un total di 38 miyon a keda inverti den nos pueblo pa cu e proyectonan cu crisisplan lo a ehecuta.}Tambe parlamentario Mervin Wayatt ras ta kere cu e identidad di voogdijraad mester por haya mas atencion debi cu na momento cu un mucha tin problema e trahadonan na voogdijraad mester por tin e espacio cu nan lo por bay na e cas pa mira e situacion cu e mucha ta biba den dje.