Ta importante pa asegurado di Algemene Ziektekosten Verzekering (AZV) tuma nota cu entrante prome di januari 2024 ta bay tin un maneho nobo pa testnan di laboratorio. E cambio no ta grandi pero ta importante pa ta na altura di dje.
Na momento cu un specialista receta un pashent pa bay haci test na laboratorio, e unico caminda cu e pashent por haci e test aki ta na laboratorio HOH. E mes un maneho aki ta conta pa pariba di brug, asina e pashent haya un test di laboratorio pa haci for di su specialista e lo mester haci su testnan na IMSAN San Nicolas.
Vocero di AZV Solange Tchong ta duna di conoce cu entrante prome di Januari tur receta di specialista pa bay haci test di laboratorio lo mester haci su test na Lab HOH mas cerca. E cambio no ta mucho grandi debi cu actualmente ya caba Lab HOH ta haci e gran mayoria di e testnan di specialistanan. Un total di 91 % ta wordo haci caba door di Lab HOH caba y denter di e maneho nobo ta bay over cu Lab HOH lo bay atende tur e testnan aki. Pa e cliente di AZV ta significa cu e mester ta alerto cu na momento ta haya un test di laboratorio receta door di e specialista e pashent tin cu percura pa e prik post di Laboratorio HOH mas cerca cu tin den e area di specialista na e momento ey.
Sinembargo mester tene cuenta cu esaki ta conta solamente na momento cu e specialista ta manda un pashent pa haci test di Laboratorio. Sinembargo pa loke ta trata e otro test nan cu ta keda receta door di dokter di cas, dentista of partera esakinan e cliente di AZV ta keda liber di scoge cua laboratorio ta desea di bay. E parti aki ta e situacion actual y nada den e parti aki ta cambia. Si dado caso e e parti aki tambe a pashint kier bay Lab di HOH esaki ta posibel tambe.
Segun vocero di AZV Solange Tchong e unico cambio ta cu esunnan cu ta haya un test pa laboratorio for di nan specialista no tin ningun otro opcion cu haci e test solamente na Laboratorio di HOH of IMSAN San Nicolas.
Tur e specialistanan ya caba sa di e cambio aki caba y nan sa tambe cu na momento cu nan mester ricibi un resultado cu nan por tuma esaki mester bin for di Lab HOH Oranjestad, of IMSAN San Nicolas.
Segun Vocero di AZV Solange Tchong esaki ta un trayecto cu a bin ta encamina pa motibo cu tempo semper AZV tabata desea di tin un bista y revision di e tarifanan cu AZV tabata pagando. Mester bisa tambe cu desaroyo na Aruba a cambio hopi cos y na unda cu testnan cu antes tabata haci full manualmente, awendia ta mashin a tuma over tur e trabaonan aki y ta haci cu e volumen ta baha e prijs.
Tambe tin otro testnan cu a bin nobo cu a bini unda cu si ta rekeri di hende pa controla. Tambe AZV a pone un compania individual independiente cu a haci un investigacion unda cu a revisa tur e tarifanan y for di esaki a Sali un ahuste di tarifanan unda cu algun a subi y algun a baha. Tur e cambionan aki a pone AZV pensa mas leu, con otro por haci pa e cuido medico keda accesibel pagabel pero tambe eficiente y lo percura pa decadanan nos dilanti AZV por keda cubri.
Un di e formanan ta, ta door di bay wak e cuido mas eficiente. A mira cu e laboratorio di hospital ya caba ta atende cu 91 % di tur loke ta e testnan di laboratorio ta wordo deserta door di specialista, a pone como meta pa bay over pa tur test di laboratorio receta door di un specialista ta keda atendi door di laboratorio di hospital y AZV lo cubri esaki den su maneho nobo entrante prome di januari.
