Desde aña pasa Minister Ursell Arends a declara e siman di 9 di december siman di integridad. E siman aki internacionalmente e ta reconoci door di United Nations como e dia di anti corupcion y pa e motibo aki a scoge e siman aki pa pone e siman di Integridad pa asina e keda aloca hunto pa asina por haci diferente campañanan di conscientisacion rond di e tema di integridad.
For di e maneho di minister actualmente ta atendiendo gobierno completo cu Aruba Integriteit strategie cu ta un documento nacional cu a cuminsa di un iniciativa for di gobierno mes te cu e pueblo cu ta e famianan, docente, hoben y tur otro stakeholdersnan cu por eleva integridad den sociedad pa asina por bin cu mas conscientisacion y bin cu plan y accionnan di conscientisacion concreto di kico nos como pais kier haci.
Por duna un ehempel, educacion como instituto ta na unda integridad eingelijk mester wordo duna, dus cu mester bin cu un module hunto cu minister di educacion,inspectie onderwijs pa asina sondea cua ta e module nan cu por scoge porehempel les cu por duna durante e añanan cu ta bin.
Famia tambe ta un instituto den sociedad cu tambe ta papia di integridad , dus hunto cu e organisacionnan cu ta atende puntonan di famia unda cu lo enfoca pa pone mas evenementonan pa asina trece mas integridad den e comunidad. Por uza e famia como instituto y e pilar pa por haci esaki conhuntamente mirando cu ta na cas ta siña nos moralnan.
Aña pasa e tema di integridad ta “ Honra bo compromiso cu integridad” e aña aki tin e tema “ laga bo compas moral guia bo. Den cuadro di esaki full e siman di dia 9 di december ta bay tin diferente evenemento. Via di e socialmedia di minister encarga lo saca diferente campaña di conscientisacion.
A cuminsa cu integridad den Media pa asina nos ta mas consciente di con nos ta anda cu informacion. Tambe lo bay atende cu tur e departamentonan di gobierno y tambe pa tur e hefenan ta bay tin lider y integridad. Tambe lo bay papia riba crimen cu ta mina kico e ta y con nos ta aporta na dje y con nos por stop pa no aporta na dje y diabierna lo ta bay tin pa e stakeholdersnan unda cu a invita diferente doñonan di compaña pa e workshop cu ta bay tin diabierna awo. Diasabra lo ta bay tin “ ban lanta y planta, na momento cu ta papia di integridad ta papia tambe di integridad di naturalesa y pa esaki a tuma e decision cu lo bay planta algun mata, Lo haci un invitacion oficial pa cu esaki pa asina e pueblo completo por join y ban planta mata.
