Den e buki di Lucas 18: 9 nos ta haña un splicacion di hendenan cu ta confia den nan mes cu nan ta husto , y ta menosprecia otro hende, y ta wak otronan cu menosprecio, asina identifica e fariseo..
Awendia nos tin fariseo moderno, cu asina bo bisa nan e berdad cu ta para scirbi den Bijbel,
Bo no ta bon mas pa nan,
Pasobra ta parce manera e palabra ta herida,
Of e palabra ta dal bofta, of e palabra ta scual hende,
Of pone hende su cara na berguensa, y diripiente bo no ta amigo mas pasobra bo ta huzga.
Pero tur locual bo kier haci como amigo, of mihor bisa como prohimo, ta stroba e persona di cay den tentacion cual lo hibe na perdicion.
Hesus a bisa lo siguiente na e fariseonan: Ay di boso escriba y fariseonan,hipocritanan. Pasobra boso ta limpia e parti pafo di copa y di tayo , ma paden nan ta yen di ladronisia, y pasionnan descontrola.
Aki nan nos por mira e prueba di esnan cu kier practica integridad sin Dios,y humildad falso pasobra integridad y humildad ta bini di Dios.( Job 2:9).
Abo fariseo ciego limpia prome e parti paden di copa y tayo, y e ora ey e parti di pafo tambe por bira limpi.
Ay di boso escirba y fariseonan hipocritanan . Pasobra boso ta mantene tumbanan blancha cu di pafo ta mustra bunita, ma di paden nan ta yen di weso di hende morto y di tur sorto di sushedad , asina boso tambe ta parce di pafo hende husto, ma di paden boso ta yen di hipocrecia y inikidad.(Mateo 23-25-28).
Tin un generacion cu ta maldiciona su tata y no ta bendiciona su mama.
Tin un generacion cu ta puro den su mes bista , y toch no ta laba di su sushedad. ( Proverbionan 30:11-12).
Esun cu tin horea por scucha y esun cu tin wowo por mira, con inmoralidad ta busca manera pa por wordo aproba riba mundo, pa asina por continua den malicia y abominacion.
Awor nos tin un tendencia nobo cual ta esnan cu ta ninga e poder di Dios, y ta usa versiculo biblico, pa demostra cu nan ta fariseo, y no ta acuerdo cu cambio den bida di hende.
Ora un adicto entrega su bida na Dios, y bira un homber cu ta predica e palabra di Dios demostrando e poder di Dios, bo ta tende e fariseonan ta bisa:
No ta tur cu ta bisa Señor , Señor lo drenta e reino di Dios. Pasobra nan no ta kere den e bondad di Dios.
Cada biaha cu un iglesia nobo lanta, bo ta tende iglesianan ta lanta manera paddestoel, pero ningun hende no tin conteo cu actualmente riba nos isla casnan di bruheria ta aumentando, benta di droga y arma a escala enormemente, tin un baho mundo financiero cu tin hopi famia den problema y cu hopi dolor di cabes, pasobra amor pa placa a surpasa amor pa famia.
Ta tempo pa nos drenta den oracion, pa Señor basha abao tur clase di fariseo, hendenan cu ta menos precia otro, hende nan cu ta chercha Dios, hendenan cu sa masha bon cu nan ta contra Dios y su palabra, pero toch nan ta sigi comporta manera hende sin gevoel, y nan ta sconde tras di alcohol y remedi pa nervio.
Awor ta e momento pa arepenti y busca Dios di henter boso curason y henter boso alma, pasobra Señor no ta rechasa ningun hende cu kier bini serca Señor. (Mateo 11:28).