Confia den Senjor cu henter bo curason , y no depende riba bo mes comprondemento. Den tur bo camindanan reconoce Dios y Dios lo dirigi bo pasonan (Bo berehenan of bo caminda).
No sea sabi den bo propio bista teme Señor y aparta bo mes for di maldad.Esaki ta curamento pa bo curpa, y tuti pa bo wesonan.( Proverbionan 3:5-8)
Tur hende mester consulta cu Dios den oracion, tur hende mester di Dios, esun cu no tin mester, ta nifica cu diabel ta controla su bida , pasobra riba e mundo aki ningun hende por biba den neutral,si un hende no ta cu Dios e persona ey ta cu e enemigo.
Nos mester consulta cu Dios den tur decision cu nos ta bay tuma pa asina nos ta den boluntad di Dios y tur cos lo bay nos bon.
Cada biaha cu nos ta haci algo riba nos mes cuenta sin consulta cu Dios, nos tin risico di haña nos cu problema pasobra , nos ta for di boluntad di Dios, y asina tentacion ta presenta..
Na un hende su forma di papia, su actitud y su forma di biba bo ta nota si e persona ta consulta Dios, of e ta corda riba Dios solamente den momentonan di cualquier necesidad.
Tur e reynan di pasado cu a consulta cu Dios, cos a bay bon pa nan y pa nan pais.
Rey Salomon a consulta cu Dios prome cu e a cuminsa goberna y Dios a dune sabiduria pa e goberna e pais.
Awor e pregunta ta bini con porta cu awor den nos tempo mundialmente, bo no ta tende nada di oracion den gobernacion?
Acaso Dios a bira sordo y e no kier tende di hende, of hende no kier reconoce Dios den gobierno?
Kico ta e motibo cu bo no ta tende hende ta sigi e boluntad di Dios den gobierno?
Ta cuanto ta costa pa lanta un oracion, den e rango nan mas halto di gobierno y asina demostra cu nos ta respeta Señor como esun mas grandi y mas poderoso?
Porta ta esey ta un di e motibonan cu nos ta pasando den dificultad social serio, pasobra esnan cu ta den gobernacion no ta consulta Dios?
Cual ta e motibo cu Dios a wordo separa for di asuntonan delicado di un pais, cual ta e motibo cu decisionnan sin Dios ta wordo tuma?
Cual ta e motibo cu Dios ta wordo poni un banda, acaso Dios ta mucho serio y corecto, cu su boluntad no por wordo haci?
Cual ta e motibo cu den hopi cas di Famia hende a lubida riba Dios, y ta tuma decision descabeya, cu ta causa dolor?
Hopi problema por a wordo evita si nos hubentud tabata conoce Dios, y ta consulta cu Dios.
Hobennan cu ta consulta cu Dios, no ta cana cu arma, tampoco ta comete atraco, ni tampoco ta cana bringa riba caya.
Pasobra e Spirito di Dios ta trece sabiduria,goso y pas den tur curazon y y asina guia hende na e berdad.
E asunto ta bira serio dia tras di dia y nos tur ta mira con e enemigo ta distrai hende pa scuridad.
Hendenan sabi cu mester duna ehempel ta wordo engaña door di diabel pa asina nan gaña otro nan.
Pasobra ta un Dios so tin, un mediador tambe entre Dios y hende e hende Cristo Hesus.(1 Timoteo 2:5).
Ta imposibel biba sin oracion y sin consulta Dios den nos asuntonan.
Nos mester di Dios den tur cos, pa asina nos por wordo guia den bon caminda.
