Centro di Bario Dakota dia 7 di December ta haci 3 luna cu a keda eligi. Pa e motibo aki kier para keto un rato y recorda cu dia 4 di december centro di Bario Deportivo Dakota ta recorda 47 aña cu e la keda inaugura. Un total di 47 aña cu Dakota tin un club den bario. E hungadonan cu na aña 1947 cu a inicia pa nan tin nan propio clubhuis. Despues di varios intento y turbulencia, un persona a logra haya contacto cu Hulanda y asina a logra e soño pa Dakota.
Sr. Frans Dudu adonis hunto cu sr. Alwin Slur a carga e proyecto y na unda cu a contruii e centrio di Bario Dakota cu ta un di e centro nan di Bario grandi na Aruba. Esaki ta historia y historia nos no por lubida. Importante ta pa nos generacionnan sigui recorda y sa di unda nan tin awe un centro di bario Dakota pa haci nan actividadnan y deporte.
Presidente di Centro di Bario Dakota Carmicheal Bikker ta duna di conoce cu lo cuminsa cu un campaña den bario di Dakota unda cu ta pidi pa cada persona den e bario contribui cu 1 florin lo por haci un diferencia y ta forma parti di e reconstruccion di y mehoracion di Centro di Bario Dakota.