E fin di siman aki dilanti di PriceSmart na Dakota: Tur donacion ta yuda!
Diasabra dia 2 di december miembronan di Aruba One Happy Island Lions Club ta recauda fondo pa muchanan di famia den necesidad. E ayudo aki ta trece poco alivio pa famianan den menos recurso den e temporada aki. E miembronan y boluntarionan cu box special lo ta para dilanti PriceSmart na Dakota. Un apelacion na comunidad pa contribui y asina yuda muchanan di famia cu ta pasando den un situacion dificil y mirando esaki nos muchanan ta sufri e consecuencianan. Por haci donacion e fin di siman aki for di for di 9:30 AM pa 6:00 PM dilanti PriceSmart. Bo contribucion sigur lo yega esnan den necesidad den e temporada aki di fin di aña. Esnan cu ta prefera di haci un donacion via banco por haci esaki na e cuenta na Arubabank 6005880190 Aruba One Happy Island Lions Club menciona Recaudacion Pa Nos Muchanan.
Pa mas informacion por sigui Facebook page di Aruba One Happy Island Lions Club. Si ta desea pa nos organisacion busca e donacion por tuma contacto cu nos via 562-9129. Hunto lo logra haci muchanan di famia di menos recurso contento. Ban duna un man y haci bo donacion, tur donacion ta yuda.