Tin un despota continuo entre e organisacion Ducapro y participantenan local relaciona cu e cobramento di pago di licencia pa uzo di obranan musical na Aruba y Corsou tambe . Ducapro, e Organisacion Hulandes di Derechonan di Interpretacion den Caribe, tin e tarea di representa autornan y artistanan local y internacional, cobrando pago pa uzo di nan obranan.
Ducapro a sigui cu su esfuersonan na Aruba, y e menasa di e controversia yega na Curaçao ta birando un realidad. E partidonan MAN-PIN ta bisa cu nan ta convenci cu autornan local di musica, emisoranan, establecimentonan di Horeca, organisadornan di evento, hunto cu gobierno, mester tuma accion decisivo pa preveni cu e controversia por escala na dirtimento di henter e comunidad.
Informacion cu partido MAN-PIN tin na su disposicion ta indica cu Ducapro a yega na un acuerdo cu SOCAN pa administra derecho di autor na Aruba, Kòrsou, Boneiru y St. Maarten. SOCAN ta un organisacion canades cu ta administra licencia pa uzo di musica. Organisacionnan similar ta existi den Reino, manera BUMA y STEMRA, cu ta encera pa proteha derechonan di autornan di musica rond mundo, loke ta husto.
Sinembargo, e administracion di licencia y e coleccion di derecho di autor y otro derecho dor di Ducapro, manera ta presenta, ta crea un problema cu por tin un impacto negativo riba desaroyonan socioeconomico y cultural na Corsou. E puntonan principal problematico por ser resumi manera lo siguiente:
Informacion di prensa ta menciona un pago mensual di 3.000 florin pa licencia pa emisoranan. Esaki lo aumenta gastonan di negoshi i ta afecta e entrada di radiodifusornan local. Consecuentemente, e vacunanan di trabou pa esunnan cu ta traha den e sector por ta na peliger.
Ademas, ta logico cu e sector, cu ta genera entrada dor di reclamacion, lo subi su tarifa pa cubri e gastonan aki. Esaki lo aumenta gastonan pa companianan local, y na final, e consumidornan lo paga mas, haciendo bida na Aruba,Curaçao y Boneiro mas caro tur dia.
Esaki ta conta tambe pa establecimentonan manera hotel, restaurant, cafe y organisadonan di evento. Pagamento di licencia na Ducapro lo nifica un aumento di gasto, cu na final ta wordo carga pa e consumido.
Sinembargo, den caso di no yega na un acuerdo, Ducapro por busca su derechonan den corte. Si nos ta consciente cu esaki ta conta tanto pa obranan local registra (por ehempel, den ASCAP of BUMA/STEMRA) como obranan di autornan stranhero for di pafo di nos isla, empresanan local lo enfrenta retonan den un caso asina. E opcion pa no toca ningun obra di autornan stranhero of local cu obranan registra tambe no ta realistico. Un cantidad significante di autornan local lo wordo afecta gravemente si e radiodifusionistanan stop di toca nan obranan. Den un caso asina, nos desaroyo cultural completo ta na peliger.
Establecimentonan cu ta depende di bishitantenan for di exterior y cu ta ofrece musica internacional den nan establecimentonan lo sufri, impactando riba nos producto turistico.
Ducapro ta determina e tarifa di licencia basa riba su mes metodo. Di e forma aki, empresanan ta na man di Ducapro sin considera empresanan hopi chikito of esunnan cu ta genera solamente entrada pa cubri nan gastonan gerente.
Gobierno ta tapa su wowo? E partidonan MAN-PIN ta bisa cu nan ta kere cu e gobierno mester tuma control di e situacion. Pero na Aruba economia Minister Geoffrey Wever di Partido RAIZ ta duna di conoce cu e no tin influencia den e parti aki. Tin diferente sector envolvi cu interesnan importante cu ta conflicto. Minister Wever lo mester sinta bek cu tur e radio emisoranan riba e topico aki pa sea ta para pa no kibra e economia di Aruba of ta dies laga un compania dies bin destrui e economia di Aruba na nan antoho sin cu realmente e artistanan local y of e autornan local lo beneficia di henter e intencion aki di Copyright.
Despues cu a haci diferente preguntanan y investigacion e partinan tin un recomendacion ta :
E gobierno of e ministernan cu ta responsabel pa cultura, entretenimento y Horeca por regula pago di licencia ora interes general ta na peliger. Haciendo esaki, e gobierno por exenta negoshi cu por wordo afecta di un manera cu permit y cobransa no ta mina nan existencia. Gobierno tambe por negocia cu Ducapro den nomber di tur sector envolvi pa sigura cu practicamente tur entrada ta bay bek na e autor pa desaroyo cultural y turistico y crecemento di media. Gobierno mester sigura cu solamente un parti chikito ta keda pa administra. Pa haci esaki, tur stakeholder y esunnan cu por ta afecta mester bini hunto den un manera transparente y yega na un enfoke comun. Na Aruba tin hopi dificultad mirando cu tin un powerplay cu mester acepta loke tin na mesa, pero e realidad e presion cu e abogado ta pone no ta na su luga. Te na e momentonan aki radio emisoranan na Aruba ta uni riba e parti aki y no a firma nada. Banda di tur e partinan aki e pueblo di Aruba mester haya mas informacion y ta consciente kico tur esaki ta trece cu ne pa cada un compania na Aruba sea ta grandi y chikito y tambe pa cada artista compositor y cantante, cu no ta wordo informa manera e ta realmente , pero cu ta hunga un wega di mercadeo robes dies pa haya sosten y despues e realidad ta otro. E desaroyo na Aruba ta sigui lo mira kido minister Wever di partido RAIZ lo para pe pa economia chikito di Aruba cu actualmente ta debil.